«Qazaqmys» Ulytaý oblysyn damytýǵa qoldaý kórsetedi

«Qazaqmys» Ulytaý oblysyn áleýmettik-ekonomıkalyq damytýdyń 2022-2026 jyldarǵa arnalǵan keshendi josparyn júzege asyrýǵa qoldaý kórsetedi. Bul týraly «Qazaqmys» korporatsııasy» JShS Basqarma tóraǵasy Edýard Ogaı oblys ákimi Berik Ábdiǵalıulymen kezdesýi barysynda habarlady.

Osy jospar aıasynda «Qazaqmys» korporatsııasynyń qoldaýymen óńir úshin mańyzdy birqatar ındýstrııalyq jáne áleýmettik jobalardy iske asyrý josparlanyp otyr.

Kezdesýde Jezqazǵan qalasynda jańa perınataldyq ortalyq (perzenthana) qurylysynyń jobalyq-smetalyq qujattaryn (JSQ) ázirleý taqyryby talqylandy. Sondaı-aq, «Qazaqmys» korporatsııasy basseıni bar kópfýnktsıonaldy sport kesheniniń, «Namys» balalar men jasóspirimder sport akademııasynyń qurylysyna, sonymen qatar, múmkindigi shekteýli balalarǵa arnalǵan ortalyqtarǵa qoldaý kórsetý nıetin rastady. Sonymen qatar, kompanııa Ulytaý aýdanyndaǵy «Kúmis bulaq» jáne «Tasbulaq» nysandaryn abattandyrýdy júzege asyrady.

«Qazaqmys» korporatsııasy 500 oryndyq kontsert zaly bar mádenı ortalyqtyń qurylysyn bastaýǵa qoldaý kórsetti. Oblys ákimdigine ortalyq memlekettik organdardyń kelgen qyzmetkerlerine turǵyn úı berý boıynsha kómek kórsetiletin bolady.

Sonymen qatar, «Qazaqmys» Jezqazǵan qalasynda jańa ýnıversıtet qurýǵa qatysý nıetin rastady, sondaı-aq oblys ákimdigine qalanyń turǵyn úı-kommýnaldyq qyzmetterine qar jınaý tehnıkasyn satyp alý jáne qysqy kezeńde joldarǵa qyzmet kórsetýdi uıymdastyrý bóliginde qoldaý kórsetiletin bolady.

«Qazaqmys» korporatsııasy tarapynan Jezqazǵan qalasynda jańa balabaqsha salý jobasy qoldaý tabady.

Kezdesýde jylý berý maýsymyna daıyndyq, Ulytaý aýdanynyń elektr jelilerin odan ári qyzmet kórsetý úshin JETK bólimshesine berý máseleleri pysyqtalyp, egjeı-tegjeıli talqylandy. Sonymen qatar, «Qazaqmys» korporatsııasy oblys ákimdigine basqa da birqatar nysandar boıynsha qoldaý bildirdi.

Kezdesý qorytyndysy boıynsha tıisti memorandýmǵa qol qoıý josparlanǵan.