Qazaqmys Toby JEO-ny odan ári jańǵyrtý, kúrdeli jóndeý jáne aldaǵy jylý berý maýsymyna daıarlaý baǵdarlamasymen tanystyrdy

dep habarlady atalǵan kompanııanyń baspasóz qyzmetinen.

Baǵdarlama úsh qazandyq agregatynyń, eki týrboagregattyń, vagon aýdarǵyshtyń kúrdeli jóndeýin, sondaı-aq qosalqy jabdyqtardy aıyrbastaýdy jáne aǵymdyq jóndeýdi qamtıdy. Osy atalǵan is-sharalardy júzege asyrýǵa jumsalatyn ınvestıtsııa somasy 3 mlrd teńgeden asady.

2010 jyly nysandaǵy segiz qazandyq agregattarynyń tórteýi aıyrbastaldy jáne de jylý ortalyǵynyń birneshe týrbınalyq agregattaryna jóndeý jasaldy. Elektr energııasynyń jyldyq óndirilimi shamamen 900 mln. kVt*saǵ. qurady, tutynýshylarǵa berilgen jylý energııasynyń aýqymy 1 mlrd. Gkal-dan asty. 524,16 teńge/Gkal mólsherindegi jylý energııasyna degen tarıf respýblıkamyzdaǵy eń tómengi bolyp otyr, ári ol 2008 jyldyń 1 sáýirinen bastap qoldanylyp keledi. Kásiporynnyń jabdyqtaryn jańǵyrtýǵa qosymsha ınvestıtsııalar salý maqsatymen tarıftiń aǵymdaǵy mólsherin jylý energııasyn óndirýdiń ózindik qunynyń deńgeıine jetkizý josparlanyp otyr. Qosymsha ınvestıtsııalardyń 2011 jylǵy boljamdy somasy 177 mln. teńgeni quraıdy.

«Ekinshi jyl qatarynan biz Jezqazǵan JEO óndiristik tıimdiligin arttyrý jónindegi keń aýqymdy is-sharalarymyzdy jalǵastyryp kelemiz. Alǵa qoıylǵan mindetterdiń oryndalýy aımaqtaǵy tutynýshylarǵa kásiporyn usynatyn qyzmetterdiń sapasyna jaǵymdy áser etedi», - dedi Qazaqmys Tobynyń energetıkalyq departamentiniń basshysy Nıkolaı Korobovskıı.