Qazaqmys toby «Metallýrg jəne ken baıytýshy kúnin» atap ótýge 108 mıllıonnan astam teńge bóldi
ALMATY. 18 shilde. QazAqparat /Erlik Erjanuly/ - Ótken demalys kúnderi elimizdiń barlyq óńirinde metalýrgter men ken baıytýshylar tól merekelerin atap ótti.
Jyl saıynǵy dəstúr boıynsha óndiris ozattary men eńbek ardagerleri marapattalyp, sport jarystary men merekelik kontsertter uıymdastyryldy. Baspasóz qyzmeti taratqan habarlamaǵa qaraǵanda, bul is-sharalarǵa Qazaqmys toby 108 mıllıonnan astam teńge bólgen.
«Búgingi kúni biz metallýrgter men ken baıytýshylardyń eńbegine basymyzdy ıemiz. Mundaı merekeler qoǵamǵa, əsirese, jastarǵa metallýrg mamandyǵynyń mańyzdy əri suranysqa ıe ekendigin pash etýge septigin tıgizedi. Jalpy el ekonomıkasynyń órkendeýine baǵa jetpesteı naqty úlesterin qosyp kele jatqan azamattardyń bedelin joǵarylata berýge kómegin tıgizedi» - deıdi Qazaqmys tobynyń Dırektorlary keńesiniń múshesi, «Qazaqmys Korporatsııasy» JShS-niń Basqarma tóraǵasy Edýard Ogaı.
