«Qazaqmys» shahtasynda 51 jastaǵy jumysshynyń ústine taý jynystary qulap qaza boldy
ALMATY. QazAqparat - «Qazaqmys» kompanııasynyń Shyǵys Jezqazǵan keniniń №55 shahtasynda qaıǵyly jaǵdaı oryn aldy.
51 jastaǵy jumysshy-jarýshy kenjardy baqylap jatqan kezinde ústine taý jynystary qulap ketken.
Jaralanǵan jumysshy tez arada aýrýhanaǵa jetkizildi. Alaıda, aýyr jaraqat saldarynan Jezqazǵan qalasyndaǵy aýrýhanada kóz jumdy.
«Qazaqmys korporatsııasy» JShS baspasóz qyzmetiniń habarlaýynsha, qaıǵyly jaǵdaıdyń mán-jaıyn tekserý úshin arnaıy komıssııa qurylǵan.
Kompanııa basshylyǵy qaza tapqan jumysshynyń týǵan-týystaryna kóńil aıtty.
