«Qazaqmys» pen «Teńizshevroıl» kompanııalary adam ómiri men densaýlyǵyna atústi qarap keledi - Prezıdentke joldanǵan hattardan
ASTANA. Qazannyń 31-i. QazAqparat /Arman Asqarov/ - Búgin Prezıdenttiń halyqpen tikeleı efır arqyly tildesýine oraı Astanada jumys istep jatqan Baılanys ortalyǵyna «Qazaqmys» pen «Teńizshevroıl» kompanııalarynyń otandyq zańnamany buzyp, adam ómiri men densaýlyǵyna atústi qarap jatqandyǵy týraly hat-habarlar tústi,
dep habarlaıdy QazAqparat.
Ámirova degen azamattyń habarlaýynsha, «Qazaqmys» korporatsııasynda eńbek etken onyń joldasy 2004 jyly óndiristik jaraqat alyp, osynyń saldarynan ótken jyly qaıtys bolǵan. Kompanııa tarapynan eshbir materıaldyq kómek kórsetilmeıdi. «Men kóptegen mekemelerde boldym. Biraq odan shyǵyp jatqan nátıje shamaly. Onyń ústine «Qazaqmys» meni bopsalaýdy qoıar emes»,-deıdi Ámirova.
Al Imanǵalı Asqarov óziniń «Teńizshevroıl» kompanııasynda jumys istep, 2005 jyly óndiristik jaraqat alǵandyǵy týraly habarlap otyr. «6 metrlik krannan qulap, óndiristik jaraqat aldym. Basym jaryldy, moınym, omyrtqam jáne oń qolym syndy. Qazir jumys basynan eshbir aqy berip jatqan joq. Sotqa da júgindim. Múgedek jaǵdaıynda qandaı da bir áreket jasaý qıynǵa soǵyp otyr. «Teńizshevroıl» kompanııasy bolsa, meniń máseleme atústi qarap keledi»,-deıdi I.Asqarov.
