Qazaqmys mashına jasaýshylardyń halyqaralyq kórmesinde óz jobalaryn tanystyrdy
QR Premer-Mınıstri Álıhan Smaıylov 21-23 qyrkúıek aralyǵynda Astanada ótip jatqan mashına jasaý jáne metall óńdeý jónindegi arnaıy halyqaralyq kórme aıasynda Qazaqmys kompanııasynyń aqparattyq stendimen tanysty.
Bul kórmede Qazaqmys «Meıker» JShS Qaraǵandy quıý-mashına jasaý zaýytyn, sondaı-aq kompanııanyń Ulytaý oblysyndaǵy jobalaryn tanystyrdy.
«Qazaqmys Holdıng» JShS basqarma tóraǵasynyń birinshi orynbasary Andreı Gaıdın Mınıstrler Kabınetiniń basshysyna búgingi tańda tek Qazaqmys ishinde ǵana emes, Qazaqstannyń munaı salasynyń da qajettiligin qamtamasyz etetin «Meıker» kásipornynyń áleýeti týraly aıtyp berdi.
Qaraǵandy quıý-mashına jasaý zaýyty 1940 jyly qurylǵan jáne Qazaqstannyń eń iri mashına jasaý zaýyttarynyń biri bolyp tabylady.
Zaýyttyń qýatty óndiristik bazasy bar jáne qýaty aıyna 1,5 myń tonnadan astam ónim shyǵaratyn búkil jumys protsesiniń senimdi júrisin qamtamasyz etetin tájirıbeli mamandardan turatyn komanda eńbek etedi.
Óndiris orny jańa eýropalyq jabdyqtarmen jabdyqtalǵan.
