Qazaqmys korporatsııasynyń qyzmetkerleri qyzylaǵashtyqtarǵa kómek kórsetý úshin bir kúndik jalaqysyn aýdardy
ALMATY. Naýryzdyń 19-y. QazAqparat /Erlik Erjanuly/ - Qazaqmys korporatsııasynyń qyzmetkerleri Almaty oblysy, Aqsý aýdany Qyzylaǵash aýylynda sý tasqynynan zardap shekkenderge kómek berý qoryna 100 mıllıon teńge aýdardy,
dep habarlaıdy QazAqparat Qazaqmystyń baspasóz qyzmetine silteme jasap.
«Qazaqmystyń kúlli qyzmetkerleri Qyzylaǵash aýylynda bolǵan tragedııaǵa beıqam qaramaı, azamattyq yntymaqtastyǵyn kórsetti. Biz osy bólingen qarajat turǵyn úılerdi qalpyna keltirýge bar kómegin tıgizedi degen senimdemiz», deıdi «Qazaqmys» korporatsııasy» JShS-niń Basqarma tóraǵasy Edýard Ogaı. 62 myń qyzmetkeri bar Qazaqmys tobynyń ujymy zardap shekkenderdi qoldaý úshin járdem berý qoryna ózderiniń bir kúndik eńbekaqylaryn aýdaryp otyr. Onyń kólemi 100 mıllıon teńgeni quraıdy.
