«Qazaqmys» korporatsııasy jaýapkershilikke tartyldy
ASTANA. QazAqparat - Aǵymdaǵy jylǵy qyrkúıekte monopolııaǵa qarsy organ «Qazaqmys» korporatsııasy» JShS men «Qazmyrysh» JShS-ǵa qatysty tergep-tekserýdi aıaqtady, is Qaraǵandy jáne Óskemen qalalarynyń mamandandyrylǵan ákimshilik sottaryna berildi.
Bul týraly Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń baspasóz qyzmeti habarlaıdy.
Tergep-tekserý barysynda «Qazaqmys» korporatsııasy» JShS men «Qazmyrysh» JShS arasynda kartel jasasý faktisi anyqtaldy, bul «Qazatomónerkásip» AQ enshiles kásipornynyń kúkirt qyshqylyn satyp alýǵa jumsaǵan qarajatynyń ulǵaıýyna ákep soqty.
Ákimshilik quqyq buzýshylyq týraly kodekske sáıkes karteldik kelisimdi jasaý monopolııalyq kiris tárkilene otyryp, iri kásipkerlik sýbektilerine monopolıstik qyzmetti júzege asyrý nátıjesinde alynǵan kiristiń - 5 %-y mólsherinde aıyppul salýǵa ákep soǵady («Qazaqmys» korporatsııasy» JShS úshin - 1,4 mlrd. teńgeden astam).
Sonymen qatar, osy isti qaraý qorytyndysy boıynsha 2017 jylǵy 16 qazanda Qaraǵandy qalasynyń mamandandyrylǵan ákimshilik soty «Qazaqmys» korporatsııasy» JShS-ny kartel jasasýǵa ákep soqqan, naryq sýbektileriniń qyzmetin úılestirgeni úshin ákimshilik jaýapkershilikke tartý týraly sheshim qabyldady, ol ÁQBtK-ge sáıkes 1000 AEK mólsherinde aıyppuldy kózdeıdi (bul 2,2 mln. teńgeni quraıdy).
