«Qazaqmys korporatsııasy» Jambyl oblysynyń damýyna óz úlesin qosady
TARAZ. QazAqparat - Jambyl oblysynyń ákimi Asqar Myrzahmetov «Qazaqmys korporatsııasy» JShS basqarý keńesiniń bas dırektory Baqtııar Qyryqpyshev pen «Qazaqmys barlaý» JShS bas dırektory Ǵalym Nurjanovty qabyldady, dep habarlaıdy QazAqparat.
Aıta ketý kerek, atalmysh korporatsııasynyń óńirimizdegi Kendiktas taýynyń sol jaq shetinde Shatyrkól ken orny bar. Shý aýdanynda ornalasqan mys óndirý bazasy «Balqashtústimet» óndiristik birlestiginiń bólimshesi bolyp eseptelinedi. Bul ken orny boıynsha eki jaqty jasalǵan kelisimshart 2025 jylǵa deıin jaramdy.
Aıta keteıik, Shatyrkól ken ornynan ótken jyly óńir bıýdjetine qorshaǵan ortaǵa emıssııa, jerdi paıdalaný, múlik jáne ózge de tólem-salyqtary esebinen oblys bıýdjetine 183 mıllıon teńge túsken. Aǵymdaǵy jylǵy túsim bul kórsetkishten kem bolmaıdy dep kútilýde. Áıtse de, óndiris bazasy Ortalyq Qazaqstan oblysyndaǵy «Balqashtústimet» óndiristik birlestigine qaraıtyndyqtan, jeke tabys, áleýmettik jáne ózge de birqatar túsimder basqa oblystyń qazyna qazanyń toltyrýda.
Kezdesý barysynda Baqtııar Ábdirahmanuly Shatyrkól ken orny aýmaǵynan kelisim shart boıynsha jer qoryn paıdalaný úshin 26 gektar jer máselesin sheship berýdi surady. Óz kezeginde Asqar Isabekuly korporatsııa suranysyn qanaǵattandyrýǵa qarsy emestigin aıtyp, biraq birqatar talaptardyń da joq emestigin jetkizdi.
Óńir basshysy jyl basynan beri oblys bıýdjetin tolyqtyrý úshin kóptegen ıgi sharalardyń atqarylyp jatqandyǵyy tilge tıek etti. Sonyń negizgileriniń biri retinde - jer qoınaýyn paıdalanýshylardyń oblysqa tirkelip, salyq túsimderin jergilikti qazynaǵa aýdarý ekendigin aıty. Shatyrkól ken ornynyń da korporatsııanyń bir fılıaly retinde oblysqa tirkep, ondaǵy jumyskerlerdiń jeke tabys salyǵy, áleýmettik aýdarymdary arqyly óńir bıýdjetin toltyrýǵa yqpal etýdi surady. Al, ol múmkin bolmaǵan jaǵdaıda seriktestik basshysyn salyq-túsimderinen bólek óńirdiń áleýmettik-ekonomıkalyq damýyna turaqty túrde úles qosýǵa shaqyrdy.
Fılıal ashýǵa ázirge qarjy shyǵyndarynyń tıimsizdigin alǵa tartqan B.Qryqpyshev ekinshi usynysqa qarsy emestigin bildirip, korporatsııa qarjysyna keler jyly oblystyń 80 jyldyq mereıtoıyna tartý retinde bir áleýmettik nysan salyp berýge kelisti. Óńirdiń órkendeýi jolyndaǵy bul qarjylaı qoldaý keıingi jyldary da óz jalǵasyn tabady. Ol úshin arnaıy memorandýmǵa qol qoıylmaq. Ózge de jumys josparlarymen bólisken korporatsııanyń basshylyq ókilderi aldaǵy ýaqytta da kez-kelgen jaǵdaıda birlesip jumys isteýge daıyn ekendikterin jetkizdi.
Ǵıbrat Sembaı
