«Qazaqmys» korporatsııasy qyzmetkerleriniń jalaqysy ósti
QARAǴANDY. QazAqparat - «Qazaqmys Holdıng» kompanııasynyń basshylyǵy shilde aıynyń basynan bastap osy jyly ekinshi ret barlyq qyzmetkerdiń jalaqysyn kóterý týraly sheshim qabyldady. Bul týraly «Qazaqmys Holdıng» JShS baspasóz qyzmetiniń aqparatyna silteme jasap Qaraǵandy oblysy ákimdiginiń resmı saıty habarlady.
Kompanııanyń jalpy eńbekaqy tóleý qorynyń ulǵaıýy shamamen 10 paıyzdy quraıdy, bul rette kásipter boıynsha jalaqynyń ósýi saralanǵan jáne aǵymdaǵy tólem deńgeıine baılanysty bolady.
«Esterińizge sala keteıik, 2019 jyldyń qańtarynan bastap «Qazaqmys»
korporatsııasynyń qyzmetkerleri joǵary jalaqy alady, onyń ósýi Qazaqstan
Respýblıkasyndaǵy eń tómengi jalaqy mólsheriniń ózgerýine baılanysty boldy.
«Qazaqmys Holdıngi» - tabıǵı resýrstardy óndirý jáne qaıta óńdeý jónindegi
jetekshi kompanııa, Qazaqstandaǵy eń iri mys óndirýshi bolyp tabylady. Kompanııa
quramynda on eki ken oryndary, alty baıytý fabrıkasy, eki mys balqytý zaýyty
jáne eki kómir razrezi bar.
Korporatsııa qyzmetkerleriniń jalpy sany 38 671 adamdy quraıdy»,-delingen oblys
ákimdiginiń resmı saıty taratqan aqparatta.
