Qazaqmys Qaraǵandy oblysyndaǵy birqatar kenishterdi damytýǵa 200 mıllıon dollar jumsamaq
dep habarlaıdy QazAqparat atalmysh kompanııanyń baspasóz qyzmetine silteme jasap.
Qazaqmys toby buǵan deıin Qytaı damý banki men «Samuryq-Qazyna» ulttyq ál-aýqat qorymen 2,7 mıllıard dollary kólemindegi nesıelik baǵdardy usyný týraly kelisimge kelgendigin málimdegen edi. «Samuryq-Qazyna» UÁQ-men aradaǵy Nesıelik kelisimge sáıkes 2,1 mıllıard dollar Bozshakól jáne Bozymshaq jobalaryn damytýǵa jumsalmaq. Osy aptada toptyń Qaraǵandy aımaǵyndaǵy birqatar kenishterdi damytýdy qarjylandyrý úshin jalpy kelisilgen toptamadan taǵy 200 mıllıon dollar bólýi týraly kelisimge qol qoıyldy. Osylaısha qarastyrylǵan qarajattardyń jalpy kólemi 2,3 mıllıard AQSh dollaryn qurap otyr. Kelisimge sáıkes qalǵan 400 mıllıon dollar aldaǵy úsh jyldyń ishinde toptyń ózge jobalaryn damytýǵa beriletin bolady.
«Usynylatyn qarjylandyrý Qazaqstan men Qazaqmystyń álemdegi eń iri mys óndirýshilerdiń biri retindegi ustanymdaryn nyǵaıtýǵa jáne jańa ári keleshegi bar jobalardy qoldaýǵa maqsatty túrde baǵyttalyp otyr. Bul kelisim halyqaralyq bankterdiń tarapynan el ekonomıkasynyń pármendiligine senimderin jáne Qazaqstannyń álemdik bedeliniń arta túskendiginiń jańasha aıǵaǵy bolyp tabylady», deıdi Qazaqmys tobynyń Bas atqarýshy dırektory Oleg Novachýk.
