Qazaqmys Balqash JEO-ny jóndeýge baǵyttaǵan 677 mln teńge qoldy boldy – feık

ASTANA. QazAqparat – Áleýmettik jelilerde taralǵan «Kazakhmys Energy» JShS (Qazaqmys Enerdjı) Balqash JEO jóndeýge baǵyttaǵan 677 mıllıon teńge qoldy boldy» degen aqparat shyndyqqa janaspaıdy, dep habarlaıdy QazAqparat kompanııanyń baspasóz qyzmetine silteme jasap.

«Balqashjylý» JShS men Balqash JEO arasyndaǵy ózara qarym-qatynas jylý energııasyn satyp alý bóliginde kelisimsharttyq qatynastarǵa negizdeledi. Sonymen qatar, «Balqashjylý» JShS Balqash JEO aldynda 1,8 mlrd teńgeden astam bereshegi bar.

Balqash JEO-nyń búkil jóndeý naýqany tarıftik smetaǵa engizilgen qarajat esebinen, sondaı-aq aktsıoner – «Qazaqmys Holdıng» JShS (Qazaqmys Holdıngi) qarajaty esebinen qarjylandyrylady. Osylaısha, qoldy boldy delingen 677 mıllıon teńgeniń BJEO jóndeý baǵdarlamasyna esh qatysy joq, jarııalanǵan faktiler shyndyqqa janaspaıdy.

Aldaǵy ýaqytta ýákiletti organdardan tekserilmegen aqparatty jarııalamaýdy suraımyz», - delingen resmı habarlamada.