«Qazaqmys» Almaty mektepterine 2 myń dana jańa kitap tapsyrdy

ASTANA. QazAqparat – «Qazaqsha úıreneıik!» - bul qazaq tilin úırenýdi jeńildetetin oqýshylarǵa arnalǵan kitap. Onda ertegiler men ańyzdar formatynda qazaq halqynyń tarıhy men turmysy, túrli salt-dástúrleri sıpattalǵan.

Jazýdyń qarapaıymdylyǵy oqýshylarǵa aqparat pen baıandaý tilin tez jáne ońaı este saqtaýǵa múmkindik beredi. Bul – oqýlyqtyń ekinshi basylymy. Qosymsha danalarǵa suranys «Qazaqmys korporatsııasy» JShS-ǵa Almaty qalasy Bilim basqarmasynan tústi.

Ózderińiz biletindeı, «Qazaqmys» toby – memleketke kóptegen máselelerde, sonyń ishinde mádenıet pen bilim berýde, óndiristik aımaqtarynda ǵana emes, búkil respýblıka boıynsha járdem kórsetetin áleýmettik baǵdarlanǵan kompanııa. Sondyqtan biz osyndaı járdemge qýanyshtymyz, bul kitap qazaq tilin úırenip júrgenderge de, qazaq tilin endi ǵana úırenip bastaǵandarǵa da kóp paıda ákeledi degen úmittemiz

, - dedi «Qazaqmys korporatsııasy» JShS qoǵamdyq baılanystar jáne ishki kommýnıkatsııalar departamentiniń dırektory Aıdar Batalov.

«Qazaqsha úıreneıik!» bıylǵy jyly burynǵydaı, 2 myń danamen shyqty. Almaty qalasy Bilim basqarmasynyń málimetinshe, shahardyń barlyq memlekettik mektepteri oqýlyqtardy 1 qyrkúıekke deıin aldy.