«Qazaqmysqa» jumysqa ornalastyram»: taǵy 3 alaıaqtyq faktisi tirkeldi

ASTANA. KAZINFORM — Ulytaý oblysynyń prokýratýrasy «Qazaqmys» korporatsııasyna jumysqa ornalasýǵa qatysty alaıaqtyqtyń jalǵasyp jatqan faktileri týraly habarlaıdy.

Jaqynda «Qazaqmys korporatsııasyna» jumysqa ornalastyrýǵa ýáde bergen tanystaryna aldanyp qalǵan Sátbaev qalasynyń 3 turǵyny polıtsııa bólimshesine júgingen.

Jábirlenýshilerge 2 mln teńgeden astam shyǵyn keltirildi, sotqa deıingi tergeý bastaldy.

Osyǵan uqsas derek boıynsha oblystyń 17 turǵyny alaıaqtyq qurbany bolǵan, 07.09.2023 jyly Sátbaev qalalyq sotynyń úkimimen Baıjanov 5 jylǵa bas bostandyǵynan aıyryldy.