«Qazaqmys» shahtasynda jumysshy qaza tapty

«Qazaqmys» kompanııasy Shyǵys Jezqazǵan kenishiniń №57 shahtasynda qaıǵyly jaǵdaı boldy, dep habarlaıdy Kazinform. 

Kompanııa osy oqıǵa saldarynan taý ken sheberi kóz jumǵanyn málim etti.

«Qazaqmys» kompanııasy 2023 jyly 05 qarashada Shyǵys Jezqazǵan kenishiniń №57 shahtasynda bolǵan jazataıym oqıǵa týraly ókinishpen habarlaıdy. Jumysty oryndaý kezinde 1984 jylǵy taý ken sheberi ólimge ákeletin jaraqat aldy. Arnaıy komıssııa jazataıym oqıǵanyń mán-jaıy men sebepterin anyqtap jatyr. «Qazaqmys» kompanııasynyń basshylyǵy men eńbek ujymy marqumnyń týystary men jaqyndaryna qaıǵyra kóńil aıtady», - dep jazylǵan habarlamada.