Qazaqstanda bazarlar sany azaıyp barady

ASTANA. KAZINFORM – Ulttyq statıstıka bıýrosy elimizdegi saýda oryndaryna, bazarlarǵa qatysty málimetterdi jarııalady.

Ol boıynsha 2024 jylǵy 1 qańtarda Qazaqstanda 644 saýda bazary tirkelgen, bul 2022 jylmen salystyrǵanda 78-ge az. Onyń ishinde 435 saýda bazary (121,5 myń saýda orny) qalalyq jerde, al 209 – aýyldy jerde (38,7 myń saýda orny) ornalasqan.

Bazarlardyń eń kóp sany Túrkistan oblysynda – 114, sondaı-aq Almaty jáne Aqtóbe oblystarynda - árqaısynda 57 bazardan.

Óńirlik bólinistegi eń kóp saýda orny Almaty qalasynda – 23 400 oryn (38 bazar), al eń azy Ulytaý oblysynda - 528 oryn (8 bazar).

Aıta keteıik, 298 bazar zańdy tulǵalarǵa tıesili bolsa, qalǵan 346-sy jeke kásipkerlerge tirkelgen.

Eldegi bazarlardyń jalpy aýdany 7,4 mln m2 quraıdy.