Qazaqmys óndiristiń tıimdiligi úshin jańa júıelerdi qalaı engizip jatyr
ASTANA. KAZINFORM - Qazaqmys el ǵylymyn damytýǵa qoldaý kórsetýdi, óz kásiporyndaryna úzdik ınjenerlik jáne IT jobalardy engizýdi jalǵastyryp jatyr.
30-31 shildede TechGarden-niń 15 IT-rezıdenti «Nurqazǵan» kenishine bardy. Sapar barysynda qatysýshylar Qazaqmystyń bıznes-mindetterimen tanysyp, óndiristik úderisti jaqsartý úshin ǵylymı-tsıfrlyq jáne tehnıkalyq sheshim usyndy.
Týr qorytyndysynda óndiristiń tıimdiligin arttyrýǵa, qaýipsizdik tehnıkasyn, ekologııalyq baqylaý men ónim sapasyn jaqsartýǵa baǵyttalǵan IT jobalar pýly qalyptasty.
Buǵan deıin Qazaqmys qoldanysqa AG Tech jáne MRS-K kompanııalarynyń DMMS IT keshenin engizdi. Bul baǵdarlamalyq-apparattyq keshendi qazaqstandyq IT-kompanııalar Qazaqmys mamandarymen birlesip ázirledi.
DMMS júıesi jerasty radıobaılanysyn, personal men kóliktiń ornalasqan jerin anyqtaýǵa jáne apattyq eskertý jasaýǵa múmkindik berdi.
Sondaı-aq DMMS arqyly adamdardy qalyń jynys qabattarynan izdeý múmkindigi paıda boldy, bul tótenshe jaǵdaı kezindegi izdeý jumysyn aıtarlyqtaı jeńildetedi.
Sonymen qatar 16 qosymsha modýl ázirlendi.
Olar bıznes-protsesti tsıfrlandyrý men Micromine taý-ken-geologııalyq aqparattyq júıesimen ıntegratsııalaý arqyly taý-ken jumystaryn josparlaýdan bastap, taý-ken jabdyqtarynyń jáne «Oracle HR» jumysynyń monıtorıngin sondaı-aq taý-ken jumystarynyń tıimdiligin baǵalaýǵa deıingi protsesterdi qamtıdy.
Osylaısha óndiriske engizilgen ІT sheshimder taý-ken jáne geologııalyq barlaý jumysyn júrgizetin qaýipti óndiristik nysandardyń ónerkásiptik qaýipsizdigin qamtamasyz etýge múmkindik beredi.
