«Qazaqmys» korporatsııanyń barlyq jerasty kenishterindegi taý-ken jáne kúrdeli jumystardy toqtatty
2023 jyldyń 27 qarashasynda Jaısań kenishinde bolǵan apatqa baılanysty «Qazaqmys» kompanııalar tobynyń basshylyǵy korporatsııanyń barlyq jerasty kenishterindegi taý-ken jáne kúrdeli jumystardy toqtatý týraly sheshim qabyldady.
Bul týraly Kazinform kompanııanyń Instagram-daǵy paraqshasyna silteme jasap habarlaıdy.Kenishterde ishki eksporttyq komıssııa ınspektsııalary quryldy. Komıssııalardy kásiporyndardyń bas ınjenerleri basqarady. Bastalǵan tekserister óndiristik, sondaı-aq eńbekti qorǵaý jáne qaýipsizdik salasyndaǵy ereje buzýshylyqtardy egjeı-tegjeıli anyqtaýǵa baǵyttalǵan.
Kásiporyndardyń jumysyn toqtatý barlyq kemshilikter anyqtalyp, joıylmaıynsha jalǵasa beredi.
Kompanııa basshylyǵy tekseristiń barlyq kezeńi úshin toqtatylatyn shahta brıgadalaryna eńbekaqyny tolyq tóleý týraly sheshim qabyldady.
«Komıssııalardyń jumysy aıaqtalyp, barlyq mán-jaılar naqtylanǵannan keıin tekserý nátıjeleri eńbek ujymdaryna jetkiziledi, sondaı-aq eńbek qaýipsizdigin odan ári kúsheıtý sharalary qabyldanady»,-delingen habarlamada.
Osyǵan deıin «Qazaqmys» kenishinde taǵy eki adam qaza bolǵanyn jazdyq.
Keıinirek oqıǵa ornyna komıssııa attanǵanyn habarladyq.
