«Qazaqmys» qaıyrymdylyqtaǵy strategııalyq alıans úshin marapat aldy
ASTANA. KAZINFORM – «Qazaqmys» kompanııalar toby «Qazaqstan halqynan» premııasy «Qaıyrymdylyqtaǵy strategııalyq alıans» nomınatsııasy boıynsha marapattaldy.
Bul syılyq tabıǵı apattardyń zardaptaryn joıý jáne áleýmettik baǵdarlamalardy qoldaý maqsatynda «Qazaqstan halqyna» qorymen belsendi yntymaqtastyǵy úshin berildi. Jobalardyń ishinde «Densaýlyq joly» baǵdarlamasy men tasqynnan zardap shekkenderge arnalǵan turǵyn úıler salý jobalary bar.
Sonymen qatar, «Qazaqmys» modýldik sport zaldaryn salý jobasyna belsendi qoldaý kórsetip otyr. 2024 jyly Ulytaý men Jambyl oblystarynda osyndaı tórt sport zalyn salý josparlanýda. 2025 jyly bul joba Qaraǵandy oblysyna da keńeıtiledi.
Sý tasqyny kezinde «Qazaqmys» kompanııalar toby Soltústik Qazaqstan oblysynyń ákimdigimen jáne «Qazaqstan halqyna» qorymen Petropavlda sý tasqynynan zardap shekkenderge 100 turǵyn úı salý týraly memorandýmǵa qol qoıdy.
«Qazaqmys» «Qazaqstan halqyna» qorynyń eń iri donorlarynyń biri bolyp tabylady. 2022 jyldan bastap «Qazaqmys» toby densaýlyq saqtaý, bilim berý jáne áleýmettik qoldaý salalaryndaǵy jobalardy qoldaýǵa 25 mıllıard teńge bóldi.
«Qazaqmys» korporatsııasy «Qazaqstan halqyna» qorymen yntymaqtastyqty jalǵastyrýdy, Qazaqstan aımaqtarynyń damýyna jáne halyqtyń ómir súrý sapasyn jaqsartýǵa baǵyttalǵan áleýmettik jobalardy qoldaýdy kózdeıdi. Qormen yntymaqtastyq qaıyrymdylyq bastamalaryn keńeıtýge jáne turaqty nátıjelerge qol jetkizýge múmkindik beredi.
Konferentsııada kompanııaǵa tabys etilgen marapat «Qazaqmystyń» qaıyrymdylyqty damytýǵa jáne qorlarmen jemisti áriptestikke qosqan eleýli úlesin moıyndaý bolyp otyr.
Sonymen qatar, «Qazaqmys korporatsııasy» JShS-niń turaqty damý jónindegi dırektory Sáken Shaıahmetov Qazaqstandaǵy qaıyrymdylyqty damytý jáne yntymaqtastyqty jetildirý boıynsha sharalar usyndy.
Birinshisi – seriktes qaıyrymdylyq qorlaryn damytý. Bul «Qazaqstan halqyna» qorynyń qaıyrymdylyq salasyndaǵy esep berý jáne ashyqtyq júıesin jaqsartyp, kóshbasshy bolýyna múmkindik beredi.
Ekinshisi – jergilikti atqarýshy organdarmen jumysty úılestirý. Soltústik Qazaqstan oblysy ákimdigi, Qor jáne «Qazaqmys» arasyndaǵy ózara árekettestik úlgisinde bıznes pen ákimdikter arasynda úılestirýshi bola alady.
Úshinshisi – qaıyrymdylyq qorlarynyń qyzmetin zańnamalyq retteý jáne reglamentteý.
Bul sharalardyń barlyǵy basqa da qorlarǵa degen senimdilikti arttyrýǵa baǵyttalǵan.
