Jezqazǵanda zamanaýı zerthanalar men tsıfrlyq tehnologııalardy qamtıtyn biregeı geologııalyq klaster qurylady
ULYTAÝ. KAZINFORM - «Qazaqmys korporatsııasy» JShS geologııalyq barlaýdy jańa deńgeıge kóterýde. Bólimshelerde zamanaýı tsıfrlyq tehnologııalar engizilip, derbes zerthanalar damyp jatyr, Jezqazǵanda biregeı geologııalyq klaster qurylýda. Negizgi maqsat – mıneraldyq-shıkizat bazasyn uzaq merzimge tolyqtyrý jáne kompanııanyń mys ónerkásibindegi kóshbasshylyq ornyn saqtaý.
Maqsat jáne strategııalyq mindetter
«Qazaqmys» geologııalyq barlaý departamenti joǵary tehnologııalyq ári ornyqty qurylymǵa aınalýdy aldyna maqsat etip qoıdy. Ol jobalardy tıimdi basqarýǵa, ınnovatsııalardy engizýge, ekologııalyq jáne áleýmettik jaýapkershilik qaǵıdattaryn saqtaýǵa baǵyttalǵan.
Damýdyń basty baǵyttary:
- mıneraldyq-shıkizat bazasyn keńeıtý,
- protsesterdi tsıfrlandyrý jáne tehnologııalyq jańǵyrtý,
- adamı kapıtaldy damytý,
- geologııalyq barlaý jumystaryna ekologııalyq qoldaý kórsetý.
Osy maqsatta keshendi sheshimder engizilýde: burǵylaý, geofızıkalyq jáne geohımııalyq zertteýler, drondar arqyly qashyqtyqtan zondtaý. Basym baǵyttardyń biri – ken oryndaryn modeldeýge jáne derekterdi jınaqtaýǵa arnalǵan tsıfrlyq platforma qurý.
Jańa ınfraqurylym jáne zamanaýı jaraqtandyrý
Geologııalyq jáne marksheıderlik bólimsheler úshin Jezqazǵandaǵy geologııalyq klaster aýmaǵynda jańa jumys keńistikteri ashylady. Infraqurylym tek jaıly eńbek jaǵdaılaryn ǵana emes, jabdyqtar men málimetterdi saqtaýdy da qamtamasyz etedi. Bul jumys úzilisterin azaıtyp, derekterdi óńdeý jyldamdyǵyn arttyrady jáne ónimdilikti eseleıdi.
Strategııanyń negizgi bóligi – geologııalyq barlaýdy tolyq tsıfrlyq júıege kóshirý. Ol dala zertteýlerin (aerogeofızıkadan GPS-monıtorıngke deıin), aqparat jınaý men ony dıspetcherlik ortalyq arqyly jetkizýdi, taldaýdy jáne ken oryndarynyń úshólshemdi modelderin jasaýdy qamtıdy.
Qysqa jáne uzaqmerzimdi josparlar
Qordy tolyqtyrý kezeń-kezeńimen júzege asady.
- 2025–2026 jyldary: qoldanystaǵy kenishter mańynda jáne jańa aýmaqtarda boljamdyq-izdestirý jumystary.
- 2025–2028 jyldary: buryn zerttelgen ken oryndarynda barlaý júrgizý, resýrstardy halyqaralyq standarttarǵa saı balansqa engizý.
- 2025–2030 jyldary: qorlardy uzaqmerzimdi tolyqtyrý jobalary, qoldanystaǵy ken oryndarynda basym izdenister jáne jańa nysandardy ıgerý.
Jalpy sany 30-dan asatyn joba josparlanǵan. Olar basymdyq retimen bólingen: qoldanystaǵy kenishterdi tereń barlaýdan bastap perspektıvaly ýchaskelerdi zertteýge deıin.
Jezqazǵandaǵy geologııalyq klaster
Aýqymdy jobalardyń biri – Jezqazǵandaǵy geologııalyq klaster. 11 mlrd teńge kólemindegi ınvestıtsııaǵa jáne 14 myń sharshy metr alańǵa josparlanǵan joba aımaqtyń ǵylymı-zertteý ortalyǵyna aınalmaq.
Klaster quramyna mynalar enedi:
- geofızıkalyq jáne mıneralogııalyq zerthanalar,
- 200 myń júgirmeli metrge arnalǵan kernoqoıma,
- oqý aýdıtorııalary men kitaphana,
- murajaı jáne konferents-zal,
- qyzmetkerlerge arnalǵan sport kesheni.
Joba aıasynda halyqaralyq yntymaqtastyq ornatylady. Seriktester qatarynda Colorado School of Mines (AQSh) jáne ALS zerthanasy (Avstralııa) bar. Kerndi óńdeýde jasandy ıntellekt jáne zamanaýı Minalyzer CS jabdyǵy qoldanylady.
Qurylysty aıaqtaý 2027 jylǵa josparlanǵan. Jańa klasterdiń iske qosylýy shamamen 200 jańa jumys ornyn ashady.
Osylaısha, «Qazaqmys» geologııalyq barlaýdy tsıfrlandyrýǵa, halyqaralyq seriktestikke jáne jańa ınfraqurylymǵa arqa súıep otyr. Bul kompanııaǵa mıneraldyq-shıkizat bazasyn uzaq merzimge tolyqtyrýǵa jáne álemdik mys naryǵyndaǵy kóshbasshylyǵyn bekemdeýge berik negiz qalaıdy.