Qazaqmys Balqashtyń turaqty ekojúıesin saqtaýǵa 5 mln dollar bóledi

ASTANA. KAZINFORM – Qazaqstan ulttyq pavılonynda BUU-nyń Klımattyń ózgerýi týraly negizdemelik konventsııasy (COP29) taraptarynyń 29-shy konferentsııasynda «Balqash kóliniń sý resýrstaryn basqarý: Halyqaralyq yntymaqtastyq, zertteýler jáne qarjylandyrý» atty taqyryptyq is-shara ótti. Іs-sharany Qazaqstan Respýblıkasynyń Ekologııa jáne tabıǵı resýrstar mınıstrligi men «Qazaqmys korporatsııasy» JShS uıymdastyrdy. 

Basqosýda Qazaqstan Respýblıkasynyń Ekologııa jáne tabıǵı resýrstar mınıstri E.Nysanbaev, Qazaqstan Respýblıkasy Sý resýrstary jáne ırrıgatsııa mınıstrligi Sý sharýashylyǵy komıtetiniń tóraǵasy A. Jaqanbaev, Ortalyq Azııadaǵy klımattyń ózgerýi jáne ornyqty damý salasyndaǵy qyzmetter jónindegi EO óńirlik dırektory Vıktor Kovalenko sóz sóıledi.

Qazaqmys korporatsııasy bar óńirlerde qorshaǵan ortany qorǵaý úshin jaýapkershilikti túsinedi jáne olardyń ornyqty damýy boıynsha mindettemelerdi ózine alady. ESG qaǵıdattaryna súıene otyryp, kompanııa ekologııalyq bastamalardy belsendi qoldaıdy. Atap aıtqanda, Balqash kóliniń ekojúıesin saqtaýǵa erekshe nazar aýdarady.

Eske sala keteıik, buǵan deıin Balqash kóliniń sý deńgeıi Baltyq júıesimen 341 metrge jetkenin habarlaǵan edik.