«Qazaqkontsertte» «Astana sazy» ansambliniń jeke kontserti ótti

ASTANA. KAZINFORM — Roza Baǵlanova atyndaǵy «Qazaqkontsert» memlekettik akademııalyq kontserttik uıymynda Qazaq memlekettik folklorlyq «Astana sazy» ansambliniń «Aspaptar sherýi» atty jeke kontserti ótti.

Ujym kórermenge qazaq mýzykasynyń baı murasyn usyndy. Baıyrǵy dástúrli áýender zamanaýı mýzykamen úndesip, folk, etno-djaz, etno-pank jáne ózge de zamanaýı baǵyttarda oryndaldy.

Keshte kúıler shertilip, halyq ánderi shyrqalyp, myń buralǵan bıshiler mazmundy zamanaýı qoıylymdar qoıdy.

«Astana sazy» ansambli tyńdarmandy dombyra, qobyz, sherter, shańqobyz, sazsyrnaı, sybyzǵy, asataıaq, daýylpaz, tuıaqtas, qońyraý jáne ózge de dástúrli aspaptardyń únimen tanystyryp, qazaq ónerin kópshilikke nasıhattap keledi.

Aıta ketelik jyl saıynǵy kınojobalar konkýrsynda bıyl qandaı taqyryptarǵa basymdyq berilgeni týraly jazǵan edik.