Qazaqkontsert ártisteri Túrkııadaǵy halyqaralyq bı baıqaýyna qatysyp jatyr
ASTANA. KAZINFORM – Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń «Birlik» ansambli Túrkııada ótip jatqan «Altynqaragóz atyndaǵy 36-shy Dúnıejúzilik halyq bı baıqaýyna» qatysyp jatyr.
Mádenıet jáne aqparat mınıstrliginiń baspasóz qyzmetiniń málimetinshe, TÚRKSOI men Túrkııanyń Býrsa qalasynyń ákimdigi birlese uıymdastyrǵan baıqaýǵa túrkitildes elderdiń úzdik ulttyq jáne bı ujymdary qatysady.
«Birlik» ansambli baıqaýda «Qamshyger», «Jiger», «Kúı shashý» atty horeografııalyq kompozıtsııalardy usynbaq. Sondaı-aq, ansambldiń kórkemdik jetekshisi Anel Marabaeva «Shara» atty jeke kompozıtsııasyn oryndaıdy.
«Birlik» án-bı ansambli – kópultty elimizdiń mádenı baılyǵyn pash etetin birlik pen úılesimniń nyshanyna aınalǵan ujym. Ansambldiń ónerdegi maqsaty – ózara qurmet, birlik pen tatýlyq syndy qundylyqtardy nasıhattaı otyryp, qazirgi qoǵamdaǵy atalǵan qundylyqtardyń mańyzyn mádenıet pen óner arqyly kópshilikke jetkizý.
