«Qazaqkontsert» onlaın qyzmet kórsetýge kóshti
NUR-SULTAN. QazAqparat - «Qazaqkontsert» memlekettik kontserttik uıymy onlaın qyzmet kórsetýge kóshti, dep habarlaıdy QazAqparat tilshisi.
«Qurmetti kórermen! Sizder kontserttik is-sharalarǵa kele almasańyzdar da, biz sizderden alystamaımyz. Aldaǵy ýaqytta ártisterimizdiń úzdik kontsertterin, jańalyqtar men qyzyq reportajdardy Qazaqkontserttiń YouTube kanalynan tamashalaı alasyzdar. Elimizdiń mýzykalyq ónerin nasıhattaýǵa, sizdermen árdaıym birge bolýǵa daıynbyz. Barlyq ýaqytsha synaqtar men qıyndyqtardy tek túsinistik pen jaýapkershilik tanytyp, birge eńseremiz», - delingen uıymnyń Instagram paraqshasynda jarııalanǵan aqparatta.
