«Qazaqkontsert» ártisteri «Eskendir aǵa týraly» atty arnaıy shyǵarylym usynady
NUR-SULTAN. QazAqparat - «Qazaqkontsert» uıymynyń ártisteri «Eskendir aǵa týraly» atty arnaıy shyǵarylym usynady. Onlaın formattaǵy is-sharada Qazaqstannyń Halyq ártisi Eskendir Hasanǵalıevtiń ánderi oryndalyp, onyń ónegeli óneri týraly estelikter aıtylady, dep habarlaıdy QazAqparat.
Ózderiniń estelikterimen «Qazaqkontsert» uıymynyń kórkemdik jetekshisi, QR eńbek sińirgen qaıratkeri Tımýr Ýrmancheev; QR eńbek sińirgen qaıratkeri, kompozıtor Serik Erkimbekov; Qazaqstan kompozıtorlary odaǵynyń tóraǵasy Serikjan Ábdinurov bólisedi.
Onlaın formatta Qazaqkontserttiń jas ánshileri men «Astana mıýzıkl» teatrynyń ártisteri Eskendir Hasanǵalıevtiń ómirsheń ánderin jandy daýysta oryndaıdy. Arnaıy shyǵarylym saǵat 21:00-de Qazaqkontserttiń Qazaqconcert Live YouTube arnasynda kórsetiledi.
Bıyl, 30 sáýirde áıgili ánshi, kompozıtor, Qazaq KSR-niń Halyq artısi, Qazaqstan Respýblıkasynyń Memlekettik syılyǵynyń, «Qurmet», «Otan» ordenderiniń ıegeri Eskendir Hasanǵalıev ómirden ozdy.
