«Qazaqııa 2015» blog-sapary: elińdi tany!
ASTANA. QazAqparat - Qaznette «Qazaqııa 2015» baıqaýynyń irikteýi bastalady. Bul týraly atalǵan jobanyń uıymdastyrýshylardyń biri Rahat Jaqsybaı óziniń Facebook paraqshasynda jarııalady.
«Qazaqııa 2015» bul - Qazaqstannyń segiz oblysy men qalasyn qamtıtyn blog-sapar. Shart boıynsha 14 kún ishinde on eki stansany shoıyn jolmen basyp ótetin baıqaý qatysýshylary ınternet resýrstarda (áleýmettik jeli) sapar barysynan joljazba jarııalaýy tıis. Basqasha aıtqanda, blog-sapar maqsaty - elimizdi jańa qyrynan tanytyp, qazaqtildi ınternet keńistikti sapaly mátindik, beıne, foto kontentpen tolyqtyrý.
«Qazaqııa-2015» jobasynyń júlde qory - 1 000 000 teńge. Oǵan sapaly ınternet-kontent jasaı alatyn, áleýmettik jeli belsendileri qatysa alady.
Baıqaý irikteý kezeńderin qosa alǵanda, 26 naýryz ben 24 sáýir aralyǵynda ótedi. Blog-sapardyń ózi 10 sáýir men 24 sáýir aralyǵyna josparlanǵan.
Qatysýshylardyń eńbegi ınternettegi jazbasynyń tartymdylyq ındeksimen, qazylar alqasynyń baǵalaýymen anyqtalady.
Baıqaýdyń irikteý sharttary men blog-sapar týraly aqparatty «Qazaqııa 2015» jobasynyń áleýmettik jelilerdegi resmı paraqshalarynan tabýǵa bolady.
Jobaǵa Altel 4 G GSM kompanııasy demeýshilik etýde.
