«Qazaqııa-2015» blog-sapary baıqaýyna qatysýshylardyń jazbalary qazaq ınternet keńistigin sapaly kontentpen tolyqtyrdy
ASTANA. QazAqparat - 2015 jyldyń 22 sáýirinde Astanada «Qazaqııa-2015» blog-sapar baıqaýy qatysýshylary men júldegerlerin saltanatty marapattaý rásimi ótti. Bul týraly uıymdastyrýshylar habarlady.
Esterińizge salsaq, blog-baıqaýdyń irikteý merzimi - 26 naýryz ben 10 sáýir, blog-sapar ýaqyty 11-22 sáýir aralyǵyn qamtyǵan bolatyn. Blog-sapar marshrýty kelesi stansalardy qamtydy: Almaty, Saryózek, Úshtóbe, Aıagóz, Rıdder, Semeı, Aqsý, Ekibastuz, Temirtaý, Jańaarqa, Jezqazǵan, Astana.
Blog-baıqaýǵa qatysýshylar áleýmettik jeliler arqyly irikteldi, 50-ge jýyq úmitkerdiń arasynan blog-sapar marshrýty boıynsha eń tartymdy jospar usyna alǵan kelesi blogerler irikteldi: Aqbota Musabekqyzy, Amanbek Maǵzumhan, Amangúl Mádethanqyzy, Bıjan Sádibekov, Meıirman Saýranbek, Nurbek Bekbaý,
Nurlyhan Qalqamanuly, Serikbol Hasan, Elvıra Erǵalına. 12 kúnde 12 stansany saparlap, az ýaqytta sapaly ónim usynýǵa tyrysqan blogerlik toptyń jumysyn Ashat Erkimbaı, Arshat Orazov, Tımýr Bektur, Rahat Jaqsybaı, Órken Kenjebek sııaqty, quramynda tanymal blogerler men bastamashyl toptyń ókilderi bar qazylar alqasy baǵalady.
Baıqaý nátıjesi mynadaı:
1-oryn. Nurbek Bekbaý - 500 myń teńge;
2-oryn. Elvıra Erǵalına - 300 myń teńge;
3-oryn. Aqbota Musabekqyzy - 200 myń teńge.
Qazylar alqasynyń aıtýynsha, N.Bekbaýdyń «25 jylda birde-bir úı soǵylmaǵan qala», «Temir joldyń tamyrshysy», «Aıagóz: nege Abylaı bul ólkeniń atyn ózgertpedi?», «Abaıdy sabaǵan qazaqtyń qolyn súıgim keledi», «Osydan keıin olar jylqyny, biz olardy kórmedik» degen sııaqty jazbalary tanymdyq, saraptamalyq sıpatymen erekshelenip, qara úzip shyqqan.
Jobanyń maqsaty - áleýmettik jeli belsendileriniń kózimen Qazaqstandy jańa qyrynan tanytý, qazaq ınternet keńistigin sapaly mátindik, beıne, foto kontentpen tolyqtyrý ekeni aıtylǵan. Blog-sapar tabysty ótip, joljazbalar jarysyna túsken blogerler tobynyń jumysy qazaqtildi áleýmettik jelide aıtarlyqtaı rezonans týdyrdy dep aıta alamyz. Olar blog-sapar barysynda 300-ge jýyq jazba jarııalady. Atalǵan jazbalarǵa 4000-ǵa jýyq qoldanýshylar pikir bildirdi. Qamtý aýdıtorııasy - 100 000.
Joba uıymdastyrýshylary: «As club» astanalyq jýrnalıster klýby men bastamashy top.
Joba demeýshisi: «Altel» kompanııasy
Qoldaý kórstken: 7kun.kz , jaqsy.kz portaldary.
