«Kazakhstan open» halyqaralyq golf-týrnırinde Hoýl-ın-ýan soqqylary boıynsha 5 avtokólik syıǵa tartylady - K. Lıfanov
ALMATY. QazAqparat- «Kazakhstan open» halyqaralyq golf-týrnırinde Hoýl-ın-ýan soqqylary boıynsha 5 avtokólik syıǵa tartylady. Bul týraly «QazAqparat» tilshisine Qazaqstannyń golf federatsııasynyń bas hatshysy Konstantın Lıfanov málim etti.
«Mercur Auto» kompanııasy kóp jyldan ber bizdiń áriptesimiz bolyp keledi. Bıyl «Hoýl-ın-ýan» soqqylary úshin 5 aýdı avtokóligin syıǵa tartaıyn dep otyr. Nege? «Hoýl-ın-ýan» soqysy, ıaǵnı golf uıashyǵyna dopty tı zonasynan bir soqqymen kirgizý - óte sırek kezdesetin qubylys. Ekiniń biri 150-200-250 metr jerden golf dobyn uıashyqqa kirgize bermeıdi. Degenmen, sırek bolsa da «Hoýl-ın-ýan» anda-sanda týrnırlerde bolyp turady. Kezinde Astana qalasyndaǵy bolǵan golf-týrnırinde de mundaı soqqy jasalǵan. Biraq bul, ókinishke qaraı, kóp jaǵdaıda júlde taǵaıyndalǵan uıashyqta emes, basqa uıashyqta oryn alyp jatady. Bul árıne oıynshyǵa da, demeýshige de renish týdyratyn jaǵdaı. Sondyqtan bıyl bir emes, bes golf uıashyǵy boıynsha júlde taǵaıyndaldy. Demek, sportshylardyń bul júldeni jeńip alý múmkindigi ese esege artady degen sóz, - dedi K. Lıfanov.
Jańa ǵana málim bolǵanyndaı, «Qazaqstan oýpen» halyqaralyq golf-týrnırinde hall-in-one soqqysy jasaldy. Osyǵan baılanysty búgin keshke saǵat 18:00-de týrnır ótip jatqan «Nurtaý» golf-klýbynda sportshyny marapattaý rásimi bolady. Golfshynyń esimi ázirge belgisiz.
