«Kazakhstan Open» golf týrnırinde jasalǵan eki soqqy Gınnestiń rekordtar kitabyna enýi múmkin
ALMATY. QazAqparat - Búgin Almatyda «Nurtaý» golf-klýbynda ótip jatqan 11-shi halyqaralyq «Kazakhstan Open- 2015» týrnırinde qatarynan eki Hole-in-one soqqysy jasalǵan bolatyn. Bul, týrnır tarıhynda tuńǵysh ret oryn alyp otyr. Osyǵan baılanysty Eýropa chellendj týr uıymynyń dırektory Alan de Soýltre óz pikirin bildirdi.
«Bul «Qazaqstan oýpen» týrnıri tarıhynda ǵana emes, Eýropa chellendj týry tarıhynda tuńǵysh ret oryn alyp otyrǵan biregeı oqıǵa. Bir týrnırde, bir kúnde arasy 10 mınýttan eki hole-in-one soqqysy jasaldy. Ol Gınnestiń rekordtar kitabyna enýi de múmkin. Biraq, biz buǵan deıin mundaı ispen aınalysyp kórgen joq edik. Degenmen, osynda Eýropa týry uıymynyń qyzmetkerleri júr. Olar bul oqıǵaǵa qyzyǵýshylyq tanytýlary múmkin. Qalaı bolǵanda da, osy eki soqqynyń arqasynda endi shet eldikter Qazaqstan týraly kóbirek biletin bolady. Buqaralyq aqparat quraldary betinde bul týraly kóp jazylatyn bolady. Sonymen qatar, Qazaqtanda ǵana emes, búkil álemde golfqa degen qyzyǵýshylyq arta túsedi», - dedi Alen de Solýtre.
Al «Qazaqstan oýpen» golf týrnıri odan ári jalǵasýda. Ázirge golfshy Kım Sıvon (AQSh) alda keledi.
Aıta ketelik, golftan Eýropa chellendj týry Eýropa týrynyń ekinshi dıvızıony bolyp sanalady.
