Kazakhstan Open-2024: Astanada 800 sportshy karateden baq synap jatyr

ASTANA. KAZINFORM – Astanada karateden (WKF) Kazakhstan Open halyqaralyq týrnıri jalaýyn kóterdi. Jarys 14 maýsymǵa deıin jalǵasady.

Atalaǵan týrnır elimizde osymen jetinshi ret ótkizilip otyr. Jarys kýmıte jáne kata bólimderi boıynsha jasóspirimder (12-13 jas), ıýnıorlar (14-17 jas) jastar (18-20 jas) jáne eresekter (18 jas jáne odan joǵary) arasynda ótýde.

Elimizdiń namysyn Tokıo Olımpıadasynyń qola júldegeri Berýltseva Sofıa, Azııa oıyndarynyń, Azııa chempıonatynyń chempıondary men júldegerleri Alpysbaı Qaısar, Ájiqanov Nurqanat, Úsenova Gúlmıra, ıÝldashev Danııar, Tóltaı Abylaı jáne Qanaı Ásel syndy sportshylar qorǵaýda.

Halyqaralyq týrnırge 5 elden (Ázirbaıjan, Ózbekstan, Qyrǵyzstan, Reseı Federatsııasy jáne Qazaqstan) 800-ge jýyq sportshy qatysyp, baq synaýda.

Jarysqa qazaqstandyq karateshiler úshin reıtıngtik týrnır bolyp tabylady. Jarys qorytyndysy boıynsha jastar arasynda tamyz oıynda Fılıppında ótetin Azııa Chempıonaty jáne qazan aıynda ótetin Álem Chempıonatyna ulttyq qurama jasaqtalady.