KAZAKHSTAN OPEN-2015: Qazaqstandyq golfshylar fınaldyq kezeńge óte almady
ALMATY. QazAqparat- Almatyda «Nurtaý» golf-klýbynda ótip jatqan 11-shi halyqaralyq «Kazakhstan Open- 2015» týrnırinde kvalıfıkatsııalyq irikteý kezeńi aıaqtaldy. Ókinishke qaraı, Qazaqstandyq golfshylar: Shım Djaıdong 153 (+9), Nurtaı Saldarov 156 (+12), Aleksandr Vongaı 161 (+17) jáne Kang Beng Gý 92 (+32) fınaldyq kezeńge óte almady.
Reseılik qonaqtar da qural-saımandaryn jınaýǵa májbúr boldy. Olar: Aleksandr Maıorov 152 (+8), Vladımır Osıpov 157 (+13), Evgenıı Kafelnıkov 158 (+14) jáne Andreı Pavlov 160 (+16).
Alǵashqy kúni kósh basyna shyqqan danııalyq Ioahım Hansen ekinshi kúni súreńsizdeý oınap, kósh basyndaǵy úshtiktiń qatarynan shyǵyp qaldy. Onyń kórsetkishi 73 (-8).
Al týrnır kestesin ázirge ulty káris, 27 jastaǵy Shıvan Kım (AQSh) bastady. Onyń kórsetkishi 69(-11). Ekinshi orynda 26 jastaǵy frýntsýz Sebastıan Gros 67 (-9), al Ońtústik Afrıka Respýblıkasynan kelgen 33 jastaǵy golfshy Shon Norrıs 67 (-9) úshinshi orynǵa jaıǵasty.
Ekinshi oıyn kúni Challenge Tour-dyń azýly sheberleri óz múmkindikterin jetkilikti dárejede kórsete almady. Biraq, olardyń aıtýynsha, 18 alańqaıdan turatyn «Nurtaý» golf klýby European Challenge Tour týrnırleri ótetin alańdardiń ishinde eń úzdik arena. Al Qazaqstandyq qonaqjaılyqqa teń keler qurmet esh jerde joq.
Týrnır odan ári jalǵasýda.
