«Kazakhstan International Halal Expo 2011» ekinshi Halyqaralyq kórmesi ótedi
ASTANA. 18 qazan. QazAqparat /Qanat Mámetqazyuly/ - «ExpoDamu» kórme kompanııasy «Qazaqstannyń Hálal Indýstrııasy Qaýymdastyǵymen» birlesip, 19-21 qazan aralyǵynda «Kazakhstan International Halal Expo 2011» ekinshi Halyqaralyq kórme-semınar ótkizetinin habarlaıdy.
Shara Astana qalasyndaǵy «Kórme» kesheninde ótetin bolady.
Uıymdastyrýshylardyń habarlaýynsha, kórme Ekonomıkalyq damý jáne saýda mınıstrliginiń jáne Aýyl sharýashylyǵy mınıstrliginiń qoldaýymen ótkiziledi. «Kazakhstan International Halal Expo' 2011» kórmesiniń maqsaty - otandyq jáne sheteldik hálal-kásiporyndardyń taýarlary men qyzmetterin kórsetý, áriptester taýyp, elder arasynda osy baǵytta taýar aınalymyn jandandyrý.
Budan bólek, halyqqa hálal taǵamdarynyń paıdasy, onyń ult densaýlyǵy men qaýipsizdigine qosatyn baǵa jetpes úlesi týraly túsindirý sharalary kózdeledi. Kórme aıasynda ǵylymı-praktıkalyq konferentsııalar, semınarlar men tusaýkeserler uıymdastyrylmaq. Negizgi taqyryptyq bólimderi boıynsha, konservilengen, muzdatylǵan azyq-túlik, aýyl sharýashylyǵy ónimderi, kondıterlik taǵamdar, et, balyq jáne sút ónimderi usynylady.
