«Kazakhstan Growth Fund» tikeleı ınvestıtsııalaý qory «ADM Capital» halyqaralyq kompanııasynyń basqarýyna berildi
Bul kompanııany qordyń ınvestorlary onyń qyzmetin odan ári jandandyrý maqsatynda konkýrs negizinde tańdap alǵan bolatyn. Olardyń pikirine qaraǵanda, Kazakhstan Growth Fund qoryn ADM Capital-dyń basqarýyna tapsyrý Qazaqstandaǵy qorlardyń ınvestıtsııalyq qyzmetin jandandyrýǵa yqpal etetin bolady.
Kapıtaldandyrýy 80 mln. AQSh dollaryn quraıdy «Kazakhstan Growth Fund» tikeleı ınvestıtsııalaý qorynyń aktsıoneri - Eýropalyq qaıta qurý jáne damý banki men «Qazyna kapıtal menedjment» AQ. Onyń ınvestıtsııalyq saıasatynda Qazaqstan (qordy kapıtaldandyrýdyń 70%), Reseı jáne Ortalyq Azııa elderi ekonomıkasynyń shıkizat emes sektorynda óz jobalaryn iske asyratyn shaǵyn jáne orta bıznes kompanııalaryna kapıtal usyný kózdelgen.
«Qazyna kapıtal menedjment» AQ baspasóz qyzmetiniń habarlaýynsha, 2011 jyly bul qor Qazaqstanda «INVIVO» zerthanasy» degen brendpen belgili 70-ten asa medıtsınalyq testileý ortalyqtaryn basqaratyn qazaqstandyq «Labnet» holdıngilik kompanııasyna 4,9 mln. AQSh dollary mólsherindegi ınvestıtsııany júzege asyrdy. Bul jerde osy kompanııaǵa maquldanǵan ınvestıtsııalardyń jalpy kólemi 7,1 mln. AQSh dollaryn qurady.
13 jyldan beri óz qyzmetin júzege asyryp kele jatqan «ADM Capital» halyqaralyq basqarýshy kompanııasynyń ınvestıtsııalaý geografııasy 14 eldi qamtıdy. Keshendik nemese qurylymdyq ınvestıtsııalyq sheshimderdi paıdalaný kezinde operatsııalyq menedjmenti kúshti kompanııalardy qarjylandyrý ADM Capital-dyń mamandanýy bolyp tabylady. Onyń basqarýynda 1,7 mlrd. AQSh dollaryna jýyq aktıvteri bar álemniń 14 elinde jumys jasaıtyn qorlar bar.
