Kazakhmys Energy zań buzǵany úshin 3 mıllıon teńgege jýyq aıyppul tóledi
Tehnıkalyq retteý jáne metrologııa komıtetiniń Ulytaý oblysy boıynsha departamenti prokýratýramen birlesip, quramyna «Jezqazǵan JEO» jáne «Balqash JEO» kiretin «Kazakhmys Energy» JShS-da ólshem birligin qamtamasyz etý salasyndaǵy talaptardyń saqtalýyna tekserý júrgizdi.
«Tekserý barysynda tehnıkalyq monometrler, qysym datchıkteri sııaqty tekserý merzimi ótken 40 ólshem birligin qoldaný anyqtaldy. Tekserilmegen ólsheý quraldaryn qoldaný «Ólshem birligin qamtamasyz etý týraly» Zańnyń 19-babynyń 1-tarmaǵyn buzý bolyp tabylady. Ulytaý oblysy prokýratýrasynyń usynysy negizinde departament qyzmetkerleri ákimshilik quqyq buzýshylyq týraly hattama jasady. «Kazakhmys Energy» JShS quqyq buzýshylyq jasaý faktisin moıyndaýyna baılanysty ÁQBtK 811-babyna sáıkes qysqartylǵan is júrgizý tártibimen 800 AEK - 2 760 000 teńge mólsherinde ákimshilik aıyppul salyndy», - dep jazdy vedomstvodan.
Qazirgi ýaqytta ákimshilik aıyppul tolyq kólemde tólendi. «Kazakhmys Energy» JShS qatysty zańnyń buzylýyna yqpal etetin sebepter men jaǵdaılardy joıý týraly jeke usynys shyǵaryldy.
