Kazakhmys aktsııalary Qarjy mınıstrligine berildi
ASTANA. 11 maýsym. QazAqparat - «Samuryq-Qazyna» AQ Qarjy mınıstrliginiń Memlekettik múlik jáne jekeshelendirý komıtetine Kazakhmys PLC. kompanııasynyń 58,876 mln aktsııasynyń (11,24%) toptamasyn berdi.
Bul týraly «Halyqtyq IPO» baǵdarlamasynyń resmı saıty habarlady.
Nátıjesinde, Memlekettik múlik komıteti Kazakhmys kompanııasy 139,162 mln. aktsııasynyń (26,57%-dyq úles) ıesi atandy.
ENRC habarlamasynda naqtylanǵanyndaı, bul ENRC aktsııalaryn satyp alý týraly usynysqa daıyndyq kezinde, memlekettiń Kazakhmys aktsııalaryn ıelený qurylymyn ońaılatý maqsatynda jasalyp otyr. Bul usynys tólemdi, sonyń ishinde Kazakhmys aktsııalaryna qatysy tólemdi de qamtıdy. Quramynda ENRC negizin qalaǵan úsh iri aktsıoner - Aleksandr Mashkevıch, Alıdjan Ibragımov jáne Patoh Shodıev bar Konsortsıým men Qazaqstan Úkimeti kompanııanyń mınorıtarlyq aktsıonerlerine ENRC bir aktsııasy úshin 2,6 fýnt sterlıng usyndy: onyń 1,75 fýnt sterlıngi qolma-qol aqsha, al 0,231-i Kazakhmys aktsııalary. Kazakhmys bir aktsııasynyń baǵasy usynys jasalǵan sátte 3,7 fýnt turdy. Alaıda, ENRC Dırektorlar keńesiniń táýelsiz komıteti «bul kompanııany aıtarlyqtaı jete baǵalamaý» deı otyryp, konsortsıým usynysyn qaıtaryp tastady. Konsortsıým kezekti usynysty 24 maýsymǵa deıin jasaýy tıis.
Qazaqstan qor bırjasynyń dereginshe, A.Mashkevıch, P.Shodıev jáne A.Ibragımov kompanııa aktsııalarynyń 14,59%-na, QR Qarjy mınıstrliginiń Memlekettik múlik jáne jekeshelendirý komıteti - 11,65%-na, Kazakhmys - 26%-na ıelik etedi. ENRC aktsııalarynyń 18%-dan astamy mınorıtarlyq aktsıonerlerdiń qolynda.
