«KazakhInvest» bazasynda ınvestorlar úshin «biryńǵaı tereze» iske qosylady
ASTANA. QazAqparat - «KazakhInvest» UK» AQ bazasynda ınvestorlar úshin «biryńǵaı tereze» iske qosylady. Bul týraly búgin halyqpen eseptik kezdesý ótkizip jatqan QR Investıtsııalar jáne damý mınıstri Jeńisbek Qasymbek málim etti, dep habarlaıdy QazAqparat.
«Kaznex Invest» AQ bazasynda «KazakhInvest» UK» AQ quryldy. Ol Qazaqstan Úkimeti atynan maqsatty transulttyq kompanııalarmen jáne iri ınvestorlarmen «biryńǵaı kelissóz júrgizýshi» bolady. Aǵymdaǵy jyldyń maýsym aıynyń sońyna deıin testik rejımde «Follow-up» aqparatty-monıtorıng júıesi iske qosylady. Investorlarmen jumysqa barlyq jaýapty tulǵalar úshin arnaýly vırtýaldy kabınet qurylady. Sonymen birge, osy jyldyń qyrkúıeginde «KazakhInvest» UK» AQ bazasynda ınvestorlar úshin «biryńǵaı tereze» iske qosylady. Biz ınvestorlar úshin qyzmetter usyný boıynsha qajetti barlyq qyzmetterdi ulttyq kompanııaǵa berý maqsatynda birqatar zańnamalyq túzetiler daıyndaýdamyz», - dedi mınıstr.
Sonymen qatar ol EYDU standarttaryna sáıkes ınvestıtsııalyq aýhaldy jaqsartý mańyzdy maqsattardyń biri bolyp otyrǵandyǵyn aıtty.
«Aǵymdaǵy jyly EYDU sarapshylary Qazaqstannyń ınvestıtsııalq saıasatyna ekinshi sholýyn aıaqtady. Ekinshi sholýdaǵy usynystar negizinde Investıtsııalyq ahýaldy jaqsartý boıynsha tyńǵylyqty josparǵa qosymsha engizý josparlanýda. Bul Qazaqstanǵa EYDU múshe elderiniń aldyńǵy qatarlyq standarttaryn kezeń-kezeńimen ótkizýge, iri ınvestorlar men transulttyq kompanııalardy tartýǵa múmkindik beredi jáne eldiń halyqaralyq reıtıngi men ınvestıtsııalyq múmkinshilikterine oń ypal etedi», - dedi Jeńis Qasymbek.
