«Kazakh TV» «Turksat» jerserigi arqyly aqparat tarata bastady

NUR-SULTAN. QazAqparat - «Kazakh TV» Qazaqstannyń ulttyq jerseriktik telearnasy endi «Turksat» jerserigi arqyly da qoljetimdi boldy, dep habarlaıdy QazAqparat HAA Kazakh-tv.kz-ke silteme jasap.

«Habar» agenttigi álemniń jetekshi jerseriktik operatorlarynyń birimen aqparat taratý jóninde kelisimge turdy.

9 tamyzdan «Turksat» jerserigi arqyly «Kazakh TV» arnasynyń kórsetilimderi kórermenge jol tartty. Osylaısha, Qazaqstannyń aqparattyq-tanymdyq ultyq arnasy Túrkııa eli aýmaǵyndaǵy jerseriktik teleónimniń 20 mıllıondyq aýdıtorııasyna óz jańalyqtaryn taratýǵa qol jetkizdi.

Aıta keteıik, «Turksat» atalmysh memlekettegi eń iri operatorlardyń biri bolyp sanalady. Kompanııanyń telekommýnıkatsııalyq qyzmetteriniń geografııalyq aýqymy keń, ol Azııa men Afrıka keńistigin tolyqtaı qamtıdy.