«Kazakh TV» telearnasyna jańa dırektor taǵaıyndaldy
ASTANA. 19 jeltoqsan. QazAqparat - «Habar» agenttigi» AQ «Kazakh TV» telearnasynyń dırektory qyzmetine Anısa Berdına taǵaıyndaldy, dep habarlaıdy arnanyń baspasóz qyzmetinen.
«Kazakh TV» arnasy dırektorynyń mindetin atqarýshy Anısa Berdına «Habar» agenttigi» AQ basqarma tóraǵasy Aıdos Úkibaıdyń buıryǵymen bıylǵy 11 jeltoqsanda «Kazakh TV» telearnasynyń dırektory qyzmetine taǵaıyndaldy»,-delingen taratylǵan málimetterde.
Aıta keteıik, «Kazakh TV» 2012 jylǵy 1 qyrkúıekten bastap «Caspionet» telearnasynyń ornyna habar taratýda. Ol qazaq, orys jáne aǵylshyn tilinde ádemniń 93 elinde taralǵan. Telearnanyń áleýetti aýdıtorııasy 253 mln. úı-jaıdy quraıdy.
