Kazakh Tourism sapasy nashar qonaqúılerdi jabýdy usyndy
ASTANA. QazAqparat - «Kazakh Tourism» kompanııasy jáne «Atameken» ulttyq kásipkerler palatasy ıspandyq sapa júıesi tárizdi týrızm nysandaryna arnalǵan standarttardy ázirlep jatyr, dep habarlaıdy QazAqparat tilshisi.
«Kazakh Tourism» Ulttyq kompanııasy» AQ basqarma tóraǵasynyń orynbasary Tımýr Dúısenǵalıev Býrabaıdaǵy nysandardy mysalǵa keltirdi.
«Býrabaıda týrısterge arnalǵan nysan óte kóp. Biraq, sapalyq turǵyda olardyń kópshiligi eń tómengi standartqa da saı kelmeıdi. Áıtse de, olar qonaq qabyldap, aqsha taýyp otyr. Sondyqtan, bıznesti yryqtandyrýǵa qaramastan, mınımaldy standarttar túsinigin engizý qajet. Bul standartqa sáıkes kelmeıtin nysandardyń jumys isteýine jol bermeý kerek. ıAǵnı, nysan sala bergenshe, qolda bar nysandardyń standartyn kótergen abzal. Osynyń ózi týrıstiń qaýipsizdigi men jaılylyǵyn qamtamasyz etedi», - dedi Tımýr Dúısenǵalıev Astanada Qazaqstannyń iskerlik týrızmine arnalǵan jınalysta.
Onyń aıtýynsha, standartta qonaq úı nómiriniń ólshemi, kórsetiletin qyzmet túrleri naqty kórsetiledi.
«Eger qonaq úıde bir juldyz bolsa, nysan sol bir juldyzǵa laıyq bolsyn. Bul eki juldyzdy qonaq úı, hostel, qonaq úı, kempıngterge de qatysty. Sonda týrıstke bári túsinikti bolady jáne kútken boljamy aqtalady», - dedi T. Dúısenǵalıev.
Atalǵan standarttar 2019 jyly Almaty qalasy men Almaty oblysynda pılottyq rejimde engiziledi.
