«Kazakh Tourism» men «QazaqGeography» ishki týrızmdi birlesip damytady
ASTANA. QazAqparat - «Kazakh Tourism» men «QazaqGeography» uıymdary «Kóshpendiler álemi» halyqaralyq mádenıet festıvali aıasynda ózara yntymaqtastyq týraly memorandýmǵa qol qoıdy, dep habarlaıdy QazAqparat tilshisi.
Memorandým maqsaty - Qazaqstan týrızminiń, ǵylymy men mádenıetiniń damýyna yqpal etý.
Memorandýmǵa «Kazakh Tourism» UK» AQ basqarma Tóraǵasy Rashıd Kúzembaev pen «QazaqGeography» RQB basqarma tóraıymy Janna Rústem qol qoıdy.
Ózara kelisim negizinde taraptar geografııa, ólketaný, týrızm, mádenıet, etnografııa, ekologııa jáne etnografııa, tarıh jáne irgeles jaratylys ǵylymdary salasynda ortaq jobalardy júzege asyrýdy kózdeıdi.
«Búgingi memorandýmnyń basty ıdeıasy - otandyq týrızmdi damytýda birlesken jobalardy júzege asyrý. Sebebi «QazaqGeography» qoǵamdyq birlestigi birneshe baǵytta jumys isteıdi, sonyń ishinde týrızmde bar, sondyqtan seriktestik biz úshin mańyzdy. Atalǵan memorandým negizinde naqty jumystar bastalyp ta ketti, solardyń biri Astananyń 20 jyldyq mereıtoıyna oraı QazaqGeography-men birlesken Ortalyq Qazaqstan jáne Uly jibek joly boıyna ekspedıtsııa jasaý», - dedi «Kazakh Tourism» UK» AQ basqarma tóraǵasy Rashıd Kúzembaev.
Aıta keteıik, 2013 jyly qurylǵan «QazaqGeography» respýblıkalyq qoǵamdyq birlestigi bes basym baǵytta jumys isteıdi: geografııa, klımat; qorshaǵan orta, tabıǵı resýrstar; bıologııalyq alýan túrlilik; týrızm, saıahat, ólketaný; tarıhı-mádenı mura, etnografııa.
