Kazakh Tourism men Kazakh Invest birigip, týrızm salasyna ınvestıtsııa tartpaq
Bul qujatqa sáıkes, Ulttyq kompanııalar týrızm salasyna sheteldik ınvestıtsııa tartý boıynsha birigip áreket etetin bolady.
Atap aıtsaq, týrızm salasynyń ınvestıtsııalyq jobalary týraly aqparat taratýdy kózdeıtin birlesken jumys jáne jobalardyń otandyq jáne sheteldik ınvestorlar tobyna tanystyrylýy KAZAKH INVEST jasap shyǵarǵan aqparattyq-monıtorıngtik CRM júıeni qoldaný arqyly júrgiziledi dep kútilýde.
Oǵan qosa, yntymaqtastyq aıasynda kross-marketıng suraqtaryna erekshe mán beriledi. Osylaısha, taraptar Qazaqstan aýmaǵynda jáne shetelde ınvestıtsııa tartýǵa septigin tıgizetin túrli is-sharalar, mysaly bıznes-forýmdar, kórme, dóńgelek ústelder, jármeńkeler ótkizip, bir-birine aqparattyq qoldaý kórsetedi.
«Ekijaqty kelisimder boıynsha naqty jumystar bastalyp ta ketti. Osyndaı is-sharalardyń biri - bizdiń kompanııa uıymdastyratyn Qazaqstandaǵy alǵashqy týrıstik ınvestıtsııalyq forým bolmaq. Bul forýmda otandyq jáne sheteldik ınvestorlarǵa salalyq iri ınvest-jobalar usynylady. Sondaı-aq, qazirgi kezde áleýmettik jelilerde belsendi túrde talqylanyp jatqan Týrızmdi 2023 jylǵa deıingi damytý jónindegi memlekettik baǵdarlama aıasynda ınvestıtsııalar tartý máselelerin de eskerýdemiz. Sondyqtan osy atalǵan jáne basqa da jumystar boıynsha KAZAKH INVEST ulttyq kompanııasymen birlese otyryp atqaratyn bolamyz»,- deıdi «Kazakh Toursim» UK» AQ Basqarma tóraǵasy Rashıd Kúzembaev.
