Kazakh Tourism-da basshylyq aýysty
ASTANA. KAZINFORM – «Kazakh Tourism» UK» AQ dırektorlar keńesi otyrysynyń qorytyndysy boıynsha Qaırat Sádýaqasov basqarma tóraǵasy qyzmetinen ketti. Ulttyq kompanııa basshysynyń mindetin atqarýshy laýazymyna Danıel Serjanuly taǵaıyndaldy.
Ol 2024 jyldyń qańtarynan beri basqarma tóraǵasynyń orynbasary qyzmetin atqarady.
2024 jyly Qazaqstanǵa sheteldik kelýshiler sany rekordtyq deńgeıge 15,3 mıllıon adamǵa jetti. Elimiz The New York Times jáne Wanderlust, Condé Nast Traveler, Lonely Planet sekildi bedeldi halyqaralyq basylymdardyń eń úzdik týrıstik baǵyttar reıtıngterine endi. Sonymen birge Qazaqstan Dúnıejúzilik ekonomıkalyq forýmnyń Týrızm men saıahatty damytý ındeksinde josparlanǵan kórsetkishterden ozyp, 52-oryndy ıelendi.
Qytaı baǵytyna erekshe nazar aýdaryldy. Aspan asty elindegi Qazaqstan týrızminiń jyly tabysty ótkizildi. Qytaı naryǵynan kelýshiler qatary 2 esege ulǵaıyp, 657 myń adamǵa jetti.
Mańyzdy bastamalar qatarynda agrotýrızm jáne qonaq úılerdi jikteý máseleleri boıynsha birqatar zańnamalyq ózgerister daıyndaldy. Qazirgi tańda olar Parlamentte qarastyrylyp jatyr.
Óńirlik aspektide Memleket basshysy aıqyndaǵan basymdyqqa ıe destınatsııalardy damytý josparlary ázirlendi. «Baıqońyr» kesheninde ǵarysh týrızmin jáne ShQO ekotýrızmniń injý-marjanyna aınalǵan Katonqaraǵaı aýdanynda týrızmdi damytý tujyrymdamasy usynyldy.
Qaırat Sádýaqasov týrızm salasyndaǵy kásibı qyzmetin jeke sektorda jalǵastyrady.