Kazakh Opera Gala: «Astana Opera» teatry jańa maýsymdy ashady
ASTANA. KAZINFORM – 7 qyrkúıekte «Astana Opera» teatry XII maýsymdy mazmuny mol, ulttyq operany aıshyqtaıtyn «Kazakh Opera Gala» kontserttik baǵdarlamasyn el nazaryna usynady.
Erteń teatrdyń bas dırıjeri, baǵdarlama avtory Alan Bóribaevtyń jetekshiligimen sımfonııalyq orkestr jáne opera solısteri otandyq klassıkany oryndaý sheberligin pash etpek.
«Bıyl jańa maýsymda qazaqtyń tól jaýharlary sahnalady. Onyń ishinde, «Abaı», «»Qyz Jibek», «Birjan-Sara», «Qurmanǵazy», «Mahambet» taǵy basqa tarıhı operalyq qoıylymdar bar. Jańa maýsymǵa daıyndyqty tamyzda bastadyq. Gala kontsertte ózimizdiń betke ustar solısterimiz Janat Shybyqbaev, Jupar Ǵabdýllına, Bıbigúl Januzaq bar. Sonymen qatar aldyńǵy býynǵa boı túzep kele jatqan jastar da qatysady», - dedi «Astana Opera» opera teatry trýppasynyń dırektory Meıir Baınesh jańa maýsym qarsańynda uıymdastyrylǵan baspasóz máslıhatynda.
Osylaısha teatr ujymy jańa maýsym shymyldyǵyn Ahmet Jubanov, Latıf Hamıdı, Evgenıı Brýsılovskıı, Muqan Tólebaev jáne basqa da kompozıtorlar shyǵarmasynan jınaqtalǵan gala-kontsertti usynady.
«Bul joba otandyq operadaǵy uly tulǵalarǵa, qazaq operasynyń negizin qalaýshylarǵa, sondaı-aq onyń bedelin nyǵaıtqan keıingi býyn ókilderine sheksiz qurmettiń belgisi. Qaıtalanbas halyq naqyshtary men áýenderi tamasha orkestrlik oryndaýda erekshe áýelese, «Qurmanǵazy» operasyndaǵydaı biregeı dala kúıleri ekpindete esedi, al Muhtar Áýezovtiń, Sáken Seıfýllınniń klassıkalyq qazaq ádebıetindegi asqaq beıneleri Ǵazıza Jubanovanyń ótkir dramalyq mýzykasynda nemese Sydyq Muhamedjanovtyń shynaıy lırıkasynda sahnalanǵan kezde tereń áser qaldyrady», - deıdi joba avtory, maestro Alan Bóribaev.
