«KAZAKH INVEST» sheteldik ınvestorlarǵa Qazaqstannyń ınvestıtsııalyq áleýetin tanystyrdy
ASTANA. QazAqparat - «KAZAKH INVEST» Ulttyq kompanııasy» AQ Basqarma tóraǵasynyń orynbasary Nursultan Jıenbaev sheteldik ınvestorlarǵa Qazaqstannyń ınvestıtsııalyq tartymdylyǵyn tanystyryp, ekonomıkanyń áleýetti sektorlaryn atap ótti, dep habarlaıdy «QazAqparat» HAA tilshisi.
«ESKPO-2017» halyqaralyq kórmesi aıasynda Astanadan Qaraǵandy oblysynyń mádenı kúnderi bastaldy. Osy oraıda Qaraǵandy oblysynyń ákimdigi halyqaralyq kórmege sheteldik ınvestorlar men Qazaqstanǵa ınvestıtsııa tartý baǵytynda jumys atqaratyn iri ulttyq kompanııanyń ókilderin shaqyrǵan. Alǵashqylardyń qatarynda sóz alǵan «KAZAKH INVEST» Ulttyq kompanııasy» AQ Basqarma tóraǵasynyń orynbasary Nursultan Jıenbaev atalǵan óńirmen birge sheteldik ınvestorlarǵa elimizdiń qaı sektorynda jumys júrgizý tıimdi ekenin atap ótti.
«Áleýetti ınvestorlarǵa Qazaqstanda jumys júrgizip kórýi nelikten tıimdi ekenin túsindirip bereıin. Eń aldymen, bizdiń elimizde bıznes-klımat jaıly, ekonomıkalyq turaqtylyq joǵary deńgeıde. Qazaqstan bul turǵyda álemdik iri sarapshy ınstıtýttardyń joǵary baǵasyn alǵan. Qazaqstanda áleýmettik kórsetkishter de joǵary. Investıtsııalyq jobalarǵa aıtarlyqtaı artyqshylyqtar men jeńildikter usynylady», - deıdi Nursultan Jıenbaev. 
Onyń aıtýynsha, Qazaqstanda kólik quraý, AÓK, saýda, ınfraqurylym syndy salalarǵa basa mańyz beriledi. Qazaqstan agroındýrıaldy el bolǵandyqtan., halyqtyń 20 paıyzy aýyl sharýashylyǵymen aınalysatyny belgili. Osy turǵyda «KAZAKH INVEST» kompanııasy QR aýyl sharýashlylyǵy mınıstrligimen atalǵan salanyń ınvestıtsııa tartýdaǵy 4 basym baǵytty tańdap alǵan eken.
«Qazaqstannyń eń birinshi kezekte geografııalyq jáne klımattyq ornalasýy jaıly. Jeriniń 70 paıyzynda aýyl sharýashylyǵy salasynda qoldanýǵa bolady. Qazaqstanda shamamen bir jyldyń 263 kúni kún ashyq bolady. Jaz aıynda aýa temperatýrasy shamamen 25-27 gradýs aralyǵynda. Ońtústik-Azııa elderimen, Qytaımen aýyl sharýashylyǵy ónimderi boıynsha saýda qatynasyn ornatý jaıly. Sonymen qatar, organıkalyq ónimderdi óndirý jaǵynan áleýeti mol. Sońǵy 5 jylda elimizdegi aýyl sharýashylyǵy salasyna 1,3 mıllıard teńgeniń ınvestıtsııasy tartyldy. «KAZAKH INVEST» AShM-men birge sheteldik ınvestorlardy tartý úshin tórt baǵytty tańdap aldy. Olar sút jáne sút ónimderi, et óńdeý, astyqty tereń túrde óńdeý, maı óndirý. Osy turǵyda ınvestorlardy birlese jumys júrgizýge shaqyramyz», - dedi ol.
Sonymen birge, Nursultan Jıenbaev ekonomıkanyń ózge de basym sektorlarynda sheteldik ınvestorlarǵa qandaı artyqshylyqtar men jeńildikter kórsetiletinin aıtyp berdi.
