Kazakh Invest Qostanaı oblysyna ınvestorlar izdeýmen aınalysady
Memorandýmǵa sáıkes, Qostanaı oblysynyń ákimdigi shıkizattyq bazanyń, jer resýrstarynyń, ınfraqurylymmen qamtamasyz etilý jáne taǵy basqa krıterıılerdi eskere otyryp, ınvestıtsııalar salýdy talap etetin basty jobalar tizimin jasaıdy. Kazakh Invest óz kezeginde jobalardy júzege asyrý úshin áleýetti ınvestorlardy izdeýmen jáne tartýmen aınalysady.
Taraptar ınvestorlardyń ótinishterin jyldam qarastyrý, olarǵa qoldaý kórsetý jáne «bir tereze» qaǵıdaty boıynsha qyzmetter kórsetý, ınvestıtsııalyq jobalarǵa birlesken monıtorıng júrgizý jáne IRM (Investors Relationship Management) aqparattyq-monıtorıngileý júıesine kelip túsetin ınvestorlardyń suraqtaryn sheshý týraly kelisimge keldi.
Budan ózge, Astanadaǵy jumys keńesi barysynda sheteldik ınvestorlar qatysatyn jobalar týraly aıtyldy.
Osy ýaqytta Qostanaı oblysynyń ınvestıtsııalyq jobalar tizimi jalpy somasy 146,1 mlrd teńge bolatyn 21 jobadan turady. Olardyń 80% astamy - sheteldik ınvestıtsııalar.
«Biz 60-qa jýyq jańa ınvestorlardy anyqtadyq, endi atalǵan jobalardy ornalastyrý, jaıǵastyrý úshin oblys ákimdikterimen belsendi jumysty bastaımyz», - dep atap ótti Kazakh Invest basshysy Saparbek Tuıaqbaev.
S. Tuıaqbaevtyń aıtýynsha, Qostanaı oblysynda ınvestorlar úshin qolaıly jaǵdaılar jasalǵan, Kazakh Invest barlyq suraqtar boıynsha qoldaý kórsetedi. Qazirdiń ózinde óńirlik jobalar boıynsha naqty sheteldik ınvestorlarmen kelissózder júrgizý týraly kelisimderge qol jetkizilgen. Jyl basynan beri Kazakh Invest ókilderi ınvestıtsııa salý úshin neǵurlym tartymdy 11 eldiń iri kompanııalarymen kelissózder júrgizedi.
«Biz Qostanaı oblysy aýmaǵynda iri zákirlik jobalardy júzege asyrý úshin Kazakh Invest-pen birge yntymaqtasa jumys atqaramyz. Qazirgi tańda óńirde 400 ga ındýstrıaldyq aımaqtyń qurylysy salynýda. Eń alǵashqylardyń biri bolyp ınvestıtsııasynyń jalpy kólemi $1,1 mlrd quraıtyn SMS qytaı kompanııasy jáne «Allıýr kompanııalar toby» avtomobıl klasterin damytý boıynsha jobasy ornalasatyn bolady. Bul týraly kelisimge Elbasymyzdyń jýyrdaǵy Qytaıǵa sapary barysynda qol jetkizildi», - dep atap ótti Qostanaı oblysynyń ákimi Arhımed Muhambetov.
Aıta ketý kerek, Qostanaı oblysynyń ákimdigi óńirdiń ınvestıtsııalyq jobalary men aýmaqtary, sondaı-aq qoljetimdi ınfraqurylymnyń jáne paıdaly qazbalar týraly aqparattan turatyn ınteraktıvti ınvestıtsııalyq karta engizdi. Kartadaǵy barlyq aqparat qazaq, orys jáne aǵylshyn tilderinde saıtta qol jetimdi. Óńirde qoldaý kórsetýge jáne áleýetti ınvestorlardyń óńirdegi problemalyq máselelerin jáne júıelik kedergilerdi qarastyrýǵa arnalǵan Investorlardy tartý boıynsha keńes qyzmet atqarady.
Jýyrda Qostanaı oblysynda birqatar iri ınvestıtsııalyq jobalardy júzege asyrý josparlanýda. Іri jobalardyń biri, jalpy quny 81,4 mlrd teńgeni quraıtyn dándi jáne maıly daqyldardy tereń óńdeý boıynsha aýyl sharýashylyǵy habyn qurý bolyp tabylady. Jobalyq qýattylyǵy 600 000 tonna bıdaıdy (onyń ishinde, 100 000 tonna un, 100 000 tonna glıýten jáne 350 000 tonna kespe óndirý), 120 000 tonna maı ónimderin óńdeýge, bir mıllıon tonnaǵa deıin qospa jem óndirýge eseptelgen.
Sonymen qatar, Elbasynyń sapary aıasynda Qostanaı oblysyndaǵy mashına jasaý salasyn damytý boıynsha birqatar kelisimderge qol qoıyldy. Máselen, «Allıýr Kompanııalar Toby» AQ, qytaılyq China National Machinery Import and Export, Co kompanııasy jáne «Báıterek» holdıngi arasynda Jol kartasyna qol qoıyldy. Atalmysh joba sheńberinde ınvestıtsııalardyń jalpy kólemi $1,1 mlrd quraıtyn tolyqqandy avtomobıl klasterin (avtobýstar, júk kólikteri, elektromobılder) qurý josparlanýda.
Budan ózge, «Agromash Holdıng KZ» AQ jáne YTO (qytaılyq traktor tehnıkasynyń eń iri óndirýshisi) arasynda Qazaqstanda traktorlardy qurastyrý óndirisin uıymdastyrý boıynsha yntymaqtastyq týraly memorandým jasaldy. Budan ári jobany iske asyrý boıynsha jol kartasyna qol qoıý josparlanýda.
