Kazakh Invest ınvestorlardy súıemeldeý ortalyq ofısi retinde bekitildi
QR Úkimeti ınvestorlar úshin «bir tereze» qyzmetiniń jumysyn uıymdastyrý jańa erejelerin, sondaı-aq ınvestıtsııa tartý jáne ınvestorlarmen OMO jáne JAO tarapynan áriptestikti orynatý tártipterin bekitti. Jańa erejelerge sáıkes, ınvestorlarǵa qyzmet kórsetý úshin úsh deńgeıli júıe quryldy.
«Qujatqa sáıkes ınvestorlar úshin bas operatory retinde KAZAKH INVEST ulttyq kompanııasy bekitildi. Qompanııaǵa bul salada birqatar mindetter júkteldi, onyń ishinde, elimizdiń ınvestıtsııalyq áleýeti týraly tanystyrylym jasaý jáne konsýltatsııalardy ótkizý, memlekettik qyzmetterdi jáne basqa memlekettik uıymdarmen beriletin qyzmet túrlerin alý kezinde ınvestorlarmen «bir tereze» qaǵıdaty boıynsha árekettesý jáne t.b», delingen habarlamada.
«Keıbir memlekettik qyzmeterdi alý tártipteri ózimizdiń azamattary bilmeıdi, ınvestorlar týraly ne aıta alamyz? Búgingi tańda «bir tereze» ınvestıtsııa tartý kezekti túri bolyp ǵana qoımaı, basqa, jańa mehanızm bolyp qalyptasý kerek. Ol málimetke qoljetimdiligin, elimizdegi rásimderdiń ashyqtyǵyn, ınvestıtsııalyq jobanyń iske asyrýdyń ár kezeńinde qoldaýdy, týyndaǵan suraqtardyń sheshilýine óz septigin tıgizedi», - dedi «KAZAKH INVEST» UK« AQ basqarma tóraǵasynyń orynbasary Birjan Qaneshev.
Aıta ketý kerek, qyzmet kórsetý boıynsha sytqy deńgeı retinde Qazaqstannyń sheteldegi uıymdary jáne elimdiń ınvestıtsııalyq saıasatty iske asyrýǵa jaýapty sheteldik ókilettikter bekitildi. Óńirlik deńgeıde ınvestorlarǵa qyzmet kórsetý úshin arnaıy mamandandyrylǵan fron-ofısterdi qurý josparlanyp otyr.
Atalǵan mekemede jergilikti atqarýshy organdardyń, HQKO-nyń, «Atamaken» RKP-nyń, «Damý» KDQ-nyń, áleýmettik-kásýpkerlik korporatsııalarynyń qyzmetkerleri jáne kóshi-qon, kedeń, salyq organdarynyń ókilderi, sondaı-aq monopolıstter, notarıýstar jáne aýdarmashylar jumys isteıdi.
Mamandardyń aıtýynsha, bul ózgeristerdi qabyldaý «bir tereze» qyzmetiń uıymdastyrýdy úılestirip jáne ınvestorlar úshin memlekettik jáne taǵy basqa qyzmet túrlerin alýdy jeńildetedi. Óz kezeginde bul elimizdiń tartymdylyǵyn jáne ınvestıtsııalyq áleýetiniń deńgeıin attyrýǵa múmkindik beredi.
Aıta ketý kerek, 2018 j. – 2019 jyldyń I j.j. ishinde ınvestorlar tarapynan KAZAKH INVEST ulttyq kompanııasyna 3 myńnan astam aýyzsha jáne jasbasha ótinishter tústi. Investıtsııalyq ombýdsmen qyzmeti aıasynda 91 ótinish túsip, onyń jartysy óz sheshimin tapty.
«KAZAKH INVEST» UK» AQ Qazaqstan Respýblıkasy Syrtqy ister mınıstrliginiń vedomstvolyq baǵynyshty uıymy. Kompanııa QR Úkimetiniń múddesin bildiretin «biryńǵaı kelissózshi» jáne ınvestıtsııalyq preferentsııalar nysanynda ınvestorlardy memlekettik qoldaýdy jáne ınvestıtsııalyq jobalardy iske asyrý jáne odan ári paıdalaný úshin qajetti ártúrli ruqsattar men kelisimder berýdi qosa alǵanda memlekettik qyzmetter júıesine qol jetkizýdiń biryńǵaı pýnktiniń rólin atqarady.
