Kazakh Invest eýropalyq bıznesmendermen ınvestıtsııalyq yntymaqtastyq keleshegin talqylady
ASTANA. QazAqparat - 2018 jylǵy 17-18 qazanda Elbasy Belgııa Koroldigine resmı saparmen baryp qaıtty. Brıýsselde Royal Dutch Shell, Alstom, Claas Group, Borealis, Linde Group jáne t.b. sekildi 25 jetekshi eýropalyq kompanııanyń jáne TUK basshylarymen kezdesý ótti. Kazakh Invest eýropalyq bıznesmendermen birqatar kezdesýler ótkizdi, onda áleýetti ınvestorlarmen yntymaqtastyqty odan ári damytýdyń perspektıvalary men jobalary egjeı-tegjeıli talqylandy, dep habarlandy primeminister.kz saıtynda.
Qazirgi tańda kezdesý qatysýshylary $16 mlrd astam somaǵa jeti ınvestıtsııalyq jobany júzege asyrdy. Іske asyrylǵan jumystardyń ishinde Shell munaı ónerkásibindegi jobalar, Alstom elektrovoz jáne transformator óndirisi, Shymkent qalasyndaǵy Polpharma farmatsevtıkalyq zaýyty bar. Іske asyrý satysynda qurylys materıaldaryn óndirýge, kún elektr stantsııasynyń qurylysyna, kartopty qaıta óńdeýge jáne t.b. baǵyttalǵan taǵy alty joba bar. Atalǵan ınvestıtsııalyq jobalardyń jalpy quny $300 mln asady. Bolashaqta eýropalyq ınvestorlardyń qatysýymen taǵy 12 óndiristi iske qosý qarastyrylýda.
«Kazakh Invest» AQ basqarma tóraǵasy Saparbek Tuıaqbaevpen áńgimelesý barysynda Carmeuse Group transulttyq korporatsııasynyń ókilderi Qaraǵandy oblysyndaǵy Saryopan ken ornynda І surypty áktas óndirý zaýytyn salý jónindegi iri jobany iske asyrý týraly aıtyp berdi. Qazirgi ýaqytta zaýyt qurylysynyń tehnıkalyq-ekonomıkalyq negizdemesi jáne jobalyq-smetalyq qujattamasy ázirlenýde, óndiris tehnologııasy anyqtaldy, jer telimi jáne jer qoınaýyn paıdalaný quqyǵy berildi.
Sonymen qatar, S. Tuıaqbaev belgııalyq Van Hool mashına jasaý kompanııasynyń basshylyǵymen odan ári yntymaqtasý perspektıvalaryn talqylady. Kompanııa Qazaqstanda avtobýstar shyǵaratyn birlesken kásiporyn ashýǵa qyzyǵýshylyq tanytýda. Van Hool ókilderi jańa tehnologııalardyń transfertin júzege asyrýǵa, jumys oryndaryn ashýǵa jáne jergilikti kadrlardy oqytýǵa, elde bar avtobýstarmen qatar jańa avtobýstarǵa da qyzmet kórsetýge arnalǵan servıstik ortalyqtar ashýǵa daıyn ekenin bildirdi.
Birlesken jumystyń perspektıvalaryn talqylaý barysynda Tonnies Holding iri nemis azyq-túlik kompanııasynyń basshysy Klemens Tonnıes et óńdeý zaýytyn salý boıynsha birlesken jobany júzege asyrý josparlary týraly áńgimelep berdi. Kásiporyn quramyna shoshqa fermasy, qus fabrıkasy, bordaqylaý alańy, mal azyǵyn óndirý kiredi. Búginde nemis tarapy jobany júzege asyrý úshin áleýetti qazaqstandyq seriktesti jáne aımaqty tańdaýda.
Dıalog aıaqtalǵannan keıin Kazakh Invest qoldaýymen júzege asyrylyp jatqan jobalar men jańa bastamalar tolyǵyraq talqylanǵan qazaqstandyq delegatsııanyń iri eýropalyq kompanııalardyń basshylarymen birqatar jeke kezdesýleri ótti. QR Energetıka mınıstrligi men Eýropa qaıta qurý jáne damý banki arasynda Ońtústik Qazaqstan oblysy aýmaǵynda qýaty 28 MVt bolatyn kún elektr stantsııasyn salý týraly memorandýmda bekitilgen naqty kelisimderge qol jetkizildi. Jobanyń jalpy quny $35 mln quraıdy. Jobany qarjylandyrýdy teńgemen usyný josparlanýda.
Budan ózge, «Kazakh Invest» UK qoldaýymen «Astana» ÁKK jáne Halyqaralyq saýda ortalyqtary qaýymdastyǵy (WTCA) arasynda yntymaqtastyq týraly memorandýmǵa qol qoıyldy. Memorandýmnyń negizgi maqsaty - Astana qalasynda Dúnıejúzilik saýda ortalyǵyn salý.
Aıta keteıik, Halyqaralyq saýda ortalyqtarynyń qaýymdastyǵy (WTCA) - halyqaralyq saıası emes uıym, halyqaralyq saýda men ınvestıtsııalardy damytýǵa járdemdesýge arnalǵan eń tanymal álemdik brendterdiń biri. WTCA shtab-páteri AQSh-ta ornalasqan. WTCA paıda bolǵannan beri qyryq jyl ishinde álemniń 90-nan astam elinde 330-dan astam nysan salyndy jáne 15 myńnan astam jumys orny ashyldy. Nysandar - Nıý-Iork, Amsterdam, Tokıo, Seýl sekildi álemniń iri qalalaryndaǵy kórikti oryndar.
Van Hool - avtobýstar, trolleıbýstar, ashyq tirkemeler jáne avtotsısternalardy qosa alǵanda, kólik quraldaryn óndirýmen aınalysatyn belgııalyq mashına jasaý kompanııasy. Kompanııa jylyna shamamen 1400 avtobýs shyǵarady, onyń 80%-y Eýropa men Amerıka naryqtaryna eksporttalady.
Tonnies Holding azyq-túlik ónerkásibine mamandandyrylǵan. Kompanııa sýpermarketterge bólshek, kóterme jáne basqa da tutynýshylarǵa jetkiziletin et ónimderin shyǵarady. Kásiporyn Germanııa, Danııa, Frantsııa, Polsha jáne Ulybrıtanııada ornalasqan toǵyz óndiris oryndaryna ıe.
