«Kazakh Invest» BAÁ ınvestorlar qaýymdastyǵymen memorandým jasasty
Astanada Kazakhstan Global Investment Roundtable-2018 sheńberinde arab delegatsııasynyń kásipkerleri men «Kazakh Invest» ulttyq kompanııa ókilderiniń ekijaqty kezdesýi ótti.
Taraptar Qazaqstan ekonomıkasynyń basym salalarynda arab bıznesiniń jańa ınvestıtsııalyq jobalaryn iske asyrý men yntymaqtastyq perspektıvalaryn talqylady.
«Sizdiń el BAÁ úshin Ortalyq Azııa óńirindegi yntymaqtastyq seriktesi boldy jáne bolyp qala beredi jáne bizder Qazaqstan ekonomıkasynyń damýy men arab bıznesi úshin ashatyn perspektıvalardy jiti qadaǵalaımyz», - dep atap ótti kezdesý barysynda Arab Ámirlikteri delegatsııasynyń basshysy, BAÁ Sheteldik ınvestorlar assotsıatsııasynyń bas hatshysy Djamal Saıf Al Djarvan myrza.
Taraptar birlesken bıznes-jobalar jóninde pikir almasty jáne qazaqstandyq tarap aýyl sharýashylyǵy, taǵam ónerkásibi, mashına jasaý jáne týrızm sııaqty ekonomıkanyń basym salalarynda barynsha perspektıvaly jobalarmen tanystyrdy.
«Kazakh Invest» Basqarma tóraǵasy Saparbek Tuıaqbaev Qazaqstan el aýmaǵynda jumys isteıtin halyqaralyq ınvestorlarǵa qatysty ashyqtyq, qorǵaý jáne tolyq súıemeldeý qaǵıdattaryn ustanatyndyqtaryn atap ketti.
«Memlekettik jekeshelendirý baǵdarlamasy bizdiń eldiń Qazaqstandaǵy bıznesi úshin úlken biregeı múmkindikter ashady. Bizder Birikken Arab ámirlikterinen kelgen kompanııalarǵa turaqty túrde jan-jaqty qoldaý men kómek kórsetýge daıynbyz»,- dep atap ótti S.Tuıaqbaev.
Sóz sońynda taraptar «Kazakh Invest» UK» AQ men BAÁ Halyqaralyq ınvestorlar assotsıatsııasy arasyndaǵy yntymaqtastyq týraly memorandýmǵa qol qoıdy.
