«Kazakh Invest» arab ınvestorlarymen kelisimge keldi

ASTANA. QazAqparat - «Annual Investment Meeting» (AIM) jyl saıynǵy VIII ınvestıtsııalyq forýmy aıasynda «Kazakh Invest» ulttyq kompanııasy Dýbaıda iri arab jáne halyqaralyq kompanııalarynyń ókilderimen birqatar kezdesýler ótkizdi. Bul týraly kompanııanyń baspasóz qyzmeti habarlaıdy.

Atap aıtqanda, «Kazakh Invest»«General Electric», «Al Ahli Holding Group», «Al Nowais Investments», «KAAF Investments», «Loukil Group», «Phoenix Global DMCC», «Royal International Group» kompanııalar tobymen, «Kanoo Group», «Petromal» jáne basqalary sııaqty ǵalamdyq oıynshylarmen kelisózder júrgizilip, kelisimge qol jetkizildi.

Sonymen qatar, BAÁ Ekonomıka mınıstrligimen, BAÁ halyqaralyq ınvestorlar keńesimen (MUBADALA, DP World, Emaar, Etisalat, Borouge sııaqty iri kompanııalar jáne basqalary múshe bolyp tabylatyn), Abý- Dabı Ekonomıkalyq damý departamenti,«Fujairah Free Zone» SEA jáne «Shurooq» Sharja ámirliginiń Investıtsııalar jáne damý agentttigimen kelissózder sátti júrgizildi.

Sondaı-aq, AIM plenarlyq sessııasynda «Kazakh Invest» basqarmasynyń tóraǵasy Saparbek Tuıaqbaev Qazaqstan Respýblıkasynyń ınvestıtsııalyq múmkindikterin, onyń ishinde, Qazaqstan Respýblıkasynyń ekonomıkasyna ınvestıtsııa tartý salasyndaǵy ındýstrıaldy-ınnovatsııalyq qyzmetti memlekettik qoldaý quraldaryn kórsetti.

Investıtsııa tartý salasyndaǵy eki jaqty ózara qarym-qatynasty damytý úshin AIM alańynda «Kazakh Invest» pen «Annual Investment Meeting» arasynda Yntymaqtastyq týraly kelisimge qol qoıyldy.

Kezdesý nátıjesinde transulttyq kompanııalar Qazaqstan Respýblıkasy ekonomıkasynyń basym salalaryndaǵy birqatar ınvestıtsııalyq jobalarǵa áleýetti qyzyǵýshylyǵyn kórsetti.

Kezdesý nátıjesinde «Kazakh Invest» BAÁ men Qazaqstan Respýblıkasy bıznes qaýymdastyqtarynyń ınvestıtsııa tartý, ınvestıtsııalyq jobalardy qostaý jáne iske asyrý máseleleri boıynsha eki jaqty ózara qarym-qatynasty úılestirýdi josparlap otyr.

Aıta ketsek, Annual Investment Meeting (AIM) álemdegi halyqaralyq ınvestıtsııalyq qaýymdastyqtyń dıalogtyq alańy retindegi eń tanymal, iri, jyl saıynǵy ınvestıtsııalyq konferentsııa bolyp tabylady.Investıtsııalyq konferentsııa baǵdarlamasy tsıfrleý, 4.0 ındýstrııa, ınvestıtsııa tartý boıynsha memlekettik-jeke seriktestik jáne álemdik strategııa turǵysyndaǵy taqyryptardaǵy birqatar  plenarlyq sessııalardy qamtıdy.