«Qazaqfılm»: Polıtsııa kapıtany Ǵazız Baıtasovtyń erligi týraly fılm kórermenge jol tartady

ASTANA. KAZINFORM — Elimizdiń kınoteatrlarynda 23 qazannan bastap «Qazaqfılm» kınostýdııasynyń «Kapıtan Baıtasov» atty kórkem fılmi kórsetile bastaıdy. Bul týraly Astana ákimdiginiń saıty jazdy.

Fılm shynaıy oqıǵa jelisine negizdelip túsirilgen. Kınotýyndyǵa 2011 jyly Taraz qalasynda qyzmettik boryshyn atqarý kezinde qaza tapqan polıtsııa kapıtany Ǵazız Baıtasovtyń erligi arqaý bolǵan.

Kartınany Qazaqstan Respýblıkasynyń Mádenıet jáne aqparat mınıstrliginiń tapsyrysy boıynsha jáne Ulttyq kınony qoldaý memlekettik ortalyǵynyń qoldaýymen túsirilgen.

Kórkem fılmniń premerasy 23 qazanda ótedi. Onda basty rólderdi Azamat Satybaldy, Erkebulan Daıyrov, Asan Májıt, Darhan Súleımenov jáne Qobylandy Bolat somdaıdy.

Eske sala keteıik, jyl basynan beri 60 otandyq fılm (onyń ishinde 10 ulttyq fılm), 200-den astam sheteldik fılm kınoprokatqa shyqqanyn jazǵan bolatynbyz.